लुसियानो डायस

विकिपीडिया कडल्यान
Jump to navigation Jump to search

लुसियानो डायस हो एक तियात्रीस्त.

जल्म[बदल]

लुसियानो डायस हाचो जल्म 1 एप्रील 1933 ह्या दिसा आर्लें राय ह्या गांवांत जालो. ताच्या बापायचें नांव आंतोनियो डायस आनी आवयचें नांव रीटा डायस.

वावर[बदल]

ताणें आपल्या अभिनयाची सुरवात एके बायलेच्या भुमिकेंत “धोर्मांचो बावटो ”ह्या तियात्रांत केली.1960 वर्साचे सुरवातेक एलेक्सीनो दे कांदोलीं हाणें हो तियात्र बरयिल्लो आनी दिग्दर्शीत केल्लो.ताणें एरिस्तिदेस डायस, एम बॉयर, युवा मिनेझीस, सूजा फेर्रांव, जेपसीस हिटलर, प्रेम कुमार, अनील कुमार, ऍन्थनी सान, रेमी कुलासो, नेल्सन, कामत दे आसोलना, पैट्रिक दौरादो, ऍन्थनी मेंडीस, हे सारकिल्ल्या नामनेच्या दिग्दर्शकांनी दिग्दर्शीत केल्ल्या तियात्रांनी अभिनय केला.तो एक बरो हस्तलेख बरोवपी आनी ताणें आपलोच तियात्र दिग्दर्शीत केला आनी ताचो हस्त लेख बरयला आनी त्या तियात्रांची नांवा :- खोशयेभायर काजार, पातकाची सावळी, महापाप आनी सुनो.ताणेंफक्त गोंयांतूच न्हय जाल्यार मुंबय आनी कुवेट लेगीत आपले तियात्र सादर केल्यात.तो एक बरो गीतकार आनी गायक जावन आसा. ताणें 200 वयर गितां रचलीं आनी गायलीं.ताणें ‘सोमाज बोदोलता’ ह्या ऑडियो आल्बमाची निर्मिती केली.

पुरस्कार[बदल]

ताणें तियात्र माचयेक दिल्ल्या गिरेस्त योगदान मान्य करून ऑल इंडिया रेडियो, कला आनी संस्कृती विभाग, कुवेट कोंकणी केंद्र, आर्ले यूथ एसोसिएशन आनी अखील गोंय वळेरी जमात एक्शन कमिटी ह्या सारकिल्ल्या संस्थांनी ताचो भोवमान केला.

"https://gom.wikipedia.org/w/index.php?title=लुसियानो_डायस&oldid=179327" चे कडल्यान परतून मेळयलें