लॉरेन डायस

लॉरेन डायस ही एक तियात्र कलाकार.

जल्म लॉरेन डायस हिचो जल्म 13 मार्च 1963 हया दिसा जालो. ती ल्हानपणासून माचयेर आपले कलेचें सादरिकरण करताली. ती सदाच आपल्या शाळेच्या कार्यक्रमानी आनी साद्या तियात्रानी भाग घेताली. ती आपल्या सात भाव-भयणां मदली सगळ्या परस धाकली. ती जेनॅट आनी रोबट डायस हांची चली. तिचो गांव आसागांव, बारदेश. तिचो पाय सर्गेस्त रोबट एक तियात्रीस, कमपोसर आनी कलाकार आसलो आनी लॉरेनान ही कला आपल्या पायकडल्यान फावो जाली. लॉरेनाक कोंकणी माचयेर संगळ्यां परस क्षेष्ट नटी म्हूण वळखतात. सर्गेस्त जेरी दे वेरें हाणी तिका आपल्य कोंकणी तियात्रांत काम दिलें. हें तिचे पयलें वेवसायीक माचयेर अभिनय आसलें. हो तियात्र गोंयच्या वेग वेगळ्या वाठारानी दाखयलो. मागीर तिणें विलयम दे कुरतोरींचो लोकप्रिय तियात्र "बायलांची दादागिरी घो रत्नागिरी" आनी बॅटी अलवारीस हिचो तियात्र "मोरगाद पूत". प्रिन्स जेकब हाणी तिका "रोडो नाकात" हांतूंत घेतलो. मागीर ताणें "राजवोटकी", "सांतो आनटोनियो" आनी "रोजिया "हया सारकेल्या तियात्रानी भाग घेतलो. लॉरेनान आल्फी दे दिवार प्रोडाक्शनाक काम केलां. 'पांज', पिसोणें', 'पाकां', पातिंबो' आनी 'पुल्लां हे तियात्र कला अकादेमीचे तियात्र स्पर्धेंत खूब पुरस्कार जिकूंक पावले. लॉरेनान नाटकाक आनी गायनाक लागून खूब पुरस्कार जिकल्यात. लॉरेनाक पुल्लां ह्या तियात्राक केल्या आपल्या अभिनया खातीर क्षेष्ट नटीचो पुरस्कार प्राप्त जाला. तिणें 'नो टायम' ह्या विडियो प्रेसनटेशन जो सुकोरो दे सांता क्रज हाणी केलो, तातूंत काम केलां. आनी जेकबाचें फिल्म 'रोडो नाका' हातूंत ल्हानशें अभिनय केलां.ती एक जीव घालून काम करपी कलाकार. तियात्र माचयेक मोलादीक योगदान दिल्ल्या खातीर तियात्र अकादमी गोंय हिणें तिचो भोवमान केलो .