विजय सॅम्युअल हजारे भा

विकिपीडिया कडल्यान

विजय सॅम्युअल हजारे हाचो जल्म एका शाळा शिक्षकाच्या घारांत 11 मार्च 1915 ह्या दिसा सांगला हांगा जालो. विजय सॅम्युअल हजारे भारातीय क्रिकेट विश्वांत आदरान घेतात अशें नाव आसा.विजयाचो जल्म एका शाळा शिक्षकाच्या घारांत 11 मार्च 1915 ह्या दिसा सांगला हांगा जालो.विजय हजारेच्या बॅट़िंगे मदली तंत्रशुध्दता तोखणाय करपा सारकी आसली. म्हाझुजा खातीर तांची उमेदीच 10 वर्सा फुकट गेली.भारतीय क्रिकेटींतलो असामान्य फलंदाज म्हूण नांव आशिल्लया विजय हजारेन 30 कसोटी खेळांत 47.65 च्या सरासरीन 2192 धांवडया काडल्यो.तांणी 7 शेंकडे मारले. 14 कसोटी खेळांत भारताचे मुखेलपण केल्लें.प्रथम श्रेणी 58.38 च्या सरासरीने 18740 धांवडयो काडल्यो.बॉलिगेंत ताणीं 595 प्रथम श्रेणी विकेटूस काडल्यो. हातूंत सगल्यांत म्हत्वाची गजाल म्हणल्यार डॉनाल्ड ब्रॅडमन हांची तीन फावटी विकेट घेतल्या. तांची बॉलिंग एव्हरेज 24.61 आसली. विजय हजारे ट्रिपल सेंच्युरी करपी पयलो भारतीय म्हूण विजय हजारेचेंच नांव मुखार येता. पयली नॉटआउट ट्रिपल सेंच्युरी तांणी 1939-40 यां वर्सा पुण्या आड काडली. दुसरी ट्रिपल सेंच्युरी तांणी 1943-44 या वर्सा आपलो भाव विवेक हजारे वांगडा काडली. हातूंत सगल्यांत म्हत्त्वाचे जर कितेंय आसत जाल्या पंगडाच्या वटट धांवडया पैकी 79.84% धांवडयो एकल्या विजय हजारे हाणी काडिल्ल्यो आसल्यो. पंगडाच्यो धांवडय़ो आसल्यो 387, तातूंत विजय हजारेच्यो धांवडयो आसल्यो 309. तो त्या वेळा वयलो विश्वविक्रम आसलो. 1000 धांवडयो पुराय करपी ते पयले भारतीय फलंदाज आसात. अशे साबार विक्रम आपल्या नांवार आसलेलो हो विक्रमवीर 89 व्या वर्सा आतडयाच्या कर्करोगान 18 डिसेंबर 2004 ह्या दिसा बडोघांत मरण आयलें.