श्रीपाद वामन भावे

श्रीपाद वामन भावे (जल्म - १३ ऑगस्ट १९२२, आंवडें-सत्तरी) सुटकेझुजारी. तो नॅशनल काँग्रेस गोवा हे संघटनेचो वांगडी आशिल्लो. उपरांत तो इंजियन नॅशनल काँग्रेस संघटनेचो वांगडी जालो. २६ जानेवारी १९५५ ह्या दिसा ताणें सत्याग्रहांत वांटो घेतलो. तेन्ना पुलीसांनी ताका धरलो आनी स म्हयने खर बंदखणींत दवरलो. सत्तरी वाठारात लोकांमदीं शिक्षणीक नदरेन समाजीक जागृताय हाडपाचो तो यत्न करतालो. गोंयचे सुटकेखातीर जेन्ना भारतीय सैन्य गोंयांत आयलें, तेन्ना तांकां ताणें आदार दिलों. १५ ऑगस्ट १९७२ ह्या दिसा भारत सरकारान ताम्रपत्र दिवन ताचो भोवमान केलो.