सान्नां

सान्नां

सान्नां भारताच्या अस्तंत दर्यादेगेवेल्या कोंकण वाठारांतल्या जेवणांतल्यो वाफेवन केल्ल्यो तांदळाच्यो फुसफुशीत केकी. सान्नां गोंयच्या आनी मंगळूरच्या कोंकणी समाजांत (हिंदू आनी कातल्क दोनूय), कर्नाटकाच्या आनी केरळच्या हेर कोंकणी लोकांमदीं तशेंच मुंबयच्या पूर्व भारतीय कातल्क आनी कुपारी समाजांत खूब आवडीचीं जावन आसात.

हिंदू आनी कातल्क दोनूय प्रकारानीं सान्नांचे तयारेंत तांदूळ आसतात. हिंदू लोकांच्या सान्नांचें वांटप आंबेवपाक उड्डांची दाळ, नाल्लाचें उदक आनी नाल्लाचो रोस हांचो उपेग जाता. त्या मानान हिंदू सान्नां इडल्यां सारक्यो. कातल्क लोकांच्या सान्नांनी माडाची सूर वा दीख आनी साखर हांचो उपेग जाता. हिंदू लोक सान्नां चवथ, संवसार पाडवो आनी मकर संक्रात सारक्या सणापरबांक, जाल्यार कातल्क लोक सान्नां इगर्जेच्या फेस्तां दिसांनी करतात. केन्ना-केन्नाय गोड घालून गोडाची सान्नां केल्लीं मेळटात.

सान्नां मासाच्या कडये वांगडा जावं चटणी आनी सांबारा वांगडा खावंक जातात, वा वेलची आनी गोड घालून सुवादीक केल्ल्या नाल्लाच्या रोसांत बुडोवन खावंक जातात.