साल्वादोर फेर्नांडीस

साल्वादोर फेर्नांडीस हो एक तियात्र कलाकार.

जल्म

साल्वादोर सांतान फेर्नांडीस हांचो जल्म 27 जुलै 1952 वर्सा सांगोल्डा बार्देश गोंय हांगा जालो.

वावर

ताणें आपल्या वावराची सुरवात 10 वर्साचे पिरायेचेर स्कुलांत चलयेच्या भेसान‘चेडूं शेतकामतेचे’ हें कोंकणी कांतार म्हणून केली.उपरांत 14 वर्साचे पिरायेचेर ए. जे फेर्नांडीस जो सांगोल्डेचो, ताणें बरयल्ल्या आनी दिग्दर्शीत केल्ल्या "नशीब स्ट्रायक - वाल्याचे" ह्या तियात्रांत भाग घेतलो. ह्या तियात्रांत साल्वादोरान एक कांतार म्हणिल्लें जाची लोकांनी खूब तोखणाय केल्ली. उपरांत ते कामाच्या सोदांत मुंबय गेले जंय तांची भेट एच. ब्रिटनाकडेन जाली.एच ब्रिटनाच्या ‘नोवो काजारी’ ह्या तियात्रांत ताका वेवसायीक कलाकार म्हण वांटो घेवपाची संद मेळ्ळी. मागीर ताणें आपूण जावन खुबशे तियात्र बरयले तशेंच माचयेर हाडले. तातुंतलें कांय तियात्राचीं नांवां अशीं आसात ‘मोगाक लागोन’, ‘तो कोण’, ‘बेबदो’, ‘भुरगें नाका’ आदी. वेवसायीक माचयेर काम करून तशेंच फामाद दिग्दर्शकां खाला जशे जॉ रोज, एच ब्रिटन, तिटा प्रिटो, सी आल्वारीस, प्रेम कुमार, पिटर वी फेर्नांडीस, टॉनी मार्टीन आदी वावर करून आपल्या कलेक लागून ते एक फामाद तियात्रिस्त जावपाक पावले.

तांणे भाग घेतिल्ली तियात्रां

ताणे " पिजलेले कापोड " नांवांची ऑडियो सी.डी प्रकाशीत केली जाची आयकुप्यांनी खूब तोखणाय केली.ताणे "गुन्यांवकारी कोण" आनी "उडटा तो बुडटा" ह्या कोंकणी फिल्मांनी काम केलां. फकत कलाकारच न्हय तर ते मुंबय शारांत कपड्याचे काम करताततशेंच ‘सलफर्नस एन्टरप्रायज’ कारखान्याचे ते मालक आसात.

तांका गोंयात “कोका कोला” पुरस्कार फावो जालो तशेंचम्हाराष्ट्र कोंकणी कला संस्थेन आनी 125वी पुराय जाल्ल्या तियात्र उत्सव मंडळ मुंबय हांणी तांचो भोवमान केला.

पुरस्कार

तांका गोंयात “कोका कोला” पुरस्कार फावो जालो तशेंचम्हाराष्ट्र कोंकणी कला संस्थेन आनी 125वी पुराय जाल्ल्या तियात्र उत्सव मंडळ मुंबय हांणी तांचो भोवमान केला.