हरगोविंद खुराणा

विकिपीडिया कडल्यान
Jump to navigation Jump to search
Har Gobind Khorana (1922 – 2011)

डॉ. हरगोविंद खुराणा हाचो जल्म 2 जानेवरी 1922 दिसा पंजाबांतल्या रायपूरांत(पाकिस्तान) जालो. पंजाब विद्यापीठाची एम.एस.सी ची पदवी मेळयली. ताका शिश्यवृती मेळिल्ल्यान मँचेस्टर विद्यापीठांत तो फुडलें शिक्षणघेवपा खातीर गेलो. लिव्हरपूलाक प्राध्यापक ए. टॉबर्टसनाच्या मार्गदर्शना खाला ताणें पी.एच डी ची पदवी मेळयली. 1948 वर्सा डॉक्टरेट मेळयली तरी ताका आवडिची नोकरी मेळ्ळी ना म्हूण तो त्याच वर्सा भारतांत परतलो. निमाणेंतो हांगाय निराश जावन परत इंग्लंडाक गेलो आनी आनी पुडल्या संशोधनकार्याक सुरवात केली. नोबेल लॉरेट, ऍलेकझांडर टॉड हे कॅब्रिज विद्यापीठांतले तांचे सांगाती तांकां मजत आनी मार्गदर्शन करताले. थंयच्यान 1952 वर्सा तो कॅनडाक गेलो. 1960 मेरेन ऑरगॅनीक केमिस्री ग्रुप ऑर्गनायझेशन कॉमनवेल्थ रिसर्च संस्थेंत काम करीत रावलो. त्याच काळांत ताणें स्वित्झरलॅंडांतल्या लोकसभा वांगड्याची चली बायल म्हूण स्विकारली आनी लग्न जालो. 1960त तो अमेरिकेक गेलो आनी अमेरिकेचें नागरिकत्व घेतलें. 1970त मेस्यच्युसेट इन्सिटिट्यूट ऑफ टॅक्नोलॉजी हे संस्थेंत आल्फ्रेड पी. सोलेन हांच्या मार्गदर्शना खाला प्राध्यापक म्हून नोकरी केली. ताणें 300 प्रबंध बरयल्यात.

इनामां[बदल]

1958 वर्सा ताका रसायनीक संस्थे कडल्यान मार्च अवॉर्ड दिलो. 1962 वर्सा हरिमन प्रायझू ताकाच मेळ्ळें. भारतसरकारान पद्मभूषण दिवन सम्मान केलो. पंजाब युनिव्हर्सिटीन चंढीगढाक डीएससी ही पदवी दिवन सन्मानीत केलो. संवसारीक नामना मेळिल्लो प्राणिजीवन शास्त्राचो संशोधक म्हूण हरगोंविद खुराणाक जग वळखता. डायोक्सिरिबोन्युक्लेयक ऍसिड(डीएनए) हांचे मूळ घटक सोदून जिणेतले अनुवंशिकतायेचो सोद लावन विज्ञानशास्त्राचे पावल फुडें घालपांत ताणें मजत केली. ह्या ताच्या संशोधन कार्यां खातीर रॉबर्ट डब्ल्यु होले आनी मार्शल निरेनबर्ग हांच्या बरोबर ताका नोबेल इनाम विभागून दिलें.

"https://gom.wikipedia.org/w/index.php?title=हरगोविंद_खुराणा&oldid=176635" चे कडल्यान परतून मेळयलें