Ajanta

विकिपीडिया कडल्यान
 
Romi
   
Panoramic view of Ajanta Caves from the nearby hill
The entrance to cave 19
Map of Ajanta Caves
Scene from cave 1

Ajanta, Maharaxttrantolem purvil'lem vihar ani vonnttichitram hanchem ek namnechem tholl. Ozonttha ho gamv lenneamposun 6 kimi . Ontracher dengrar axil'lea karnnan hacho ul'lekh ‘ojinttheachi lenni (caves)’ oso kortat. Torikuy hangche thollave lok tancho ul'lekh ‘fordapurochim lenni’ oso kortat. Ourongabad jilheant ut'torek sumar 108 kimi. Ontracher ani fordapur hea gamvam posun dokxinnek sumar 5 kimi. Ontracher soheadri porvotachea rangentlea indheadri xakhent him boud'dh lenni korantleant.

Boud'dh kallant him lenni tanchi tirthosthanam zal'lim. Fuddem boud'dh dhormachea rhasa uprant hea tholachem mhotv unnem zalem. Thoim yeup- vochop konnuch korina zalo. Taka lagun thoim ran matlem ani tatunt rantti saudamni vosti keli. I. So. 1821 meren hi suvat lekank khobor naxil'li. Fuddem sor jems olekzhanddor hannem vhodda dhaddsan ranant proves korun him lenni oksmat namnek haddlim.

Him lenni sonpoilim poilea xotmana savo no te satvea xotmana merenchea kallant kerantil'lim. Hatuntolim soglleant purvil'lim lennim poitthonnchea vibhagant choity asun dusreant bud'dhacheo murti asat. Donuy vibhagant rongealli chitram asat. Monxache vidhvomsok vrit'tik lagun toxench koddok ani vixom' hovecho porinnam' zaun tatuntolim choddxim chitram noxtt zalim. Fokot 13 lenneantolinch chitram aiz xabut asatod. Tatunt 1,2,9,10,12,16,17,19 hea kromankanchea lenneantolim chitram rekhivo asat. 2 ani 12 kromankanchi lenni viharachim asat.

Ajantthache vihar vastukolek khatir ani murtikole khatir toxench thoinchim lennim chitrokole khatir namnek pavil'lim. Hea lenneavixim dontkotha asa ti oxiH

achar namvacho ek orhot axil'lo. .Tachi auy bhair poddli. Tinnem heach dexant punrzolm' ghetla oxem taka ontorgoneanan koll'llem. To tika sodit bhomvpak laglo. Ekdam ek lhan choli taka bhikxa vaddpak ayil'li astona hich apli auy oxem tannem parkhilem. Taka polloun tikai pano futtlo. Lhan pirayent ho prokar ghoddil'lo polloun lokank tem ozap ani duHxchinh dislem. Magir devan tichea purvojlmachi kanni sangun lokank somzaile. Tika gheun to ojinttheak ailo. Thoim tannem dengrant vihar khodle ani tanchea vonntticher bud'dhochoritrantolim torekovar chitram rongoun ghetlim. Sculptures of ajanta.png

ojinttheachi chitram kaddttona poilim vonntticher mati, xenn, bhatacho kunddo va tag ani tus hanchea vostrogall mixronnacho lep saroun fattbhum-i toyar kelea. Ozontthachea chitrokaramni dhovo, kallo, holldduvo, panchvo, tambddo, nillo he rong vaporleat. Chitrovixoyachi bhaili rekha gulabi, puddi korachi va kallea rongachi asa. Khasa zatichim monxam khaxelea ronganuch pitarleant. Sadaronn monxacho rong, khas korun bhartiyancho, kallsor topkiri dakhoila. Xetkar, kamgar hancheo akriti tambxea rongan dakhoileat. Ranoutti lokanchim chitram panchvea rongan bhorleant. Ekadrea monxachea chitrant bhangrachi va gulabi chhotta disun yeta. Ti bholaikechi va anondi vrit'tichi suchok asunk zai.

Ojinttheachea chitranche tin vibhag asat. 1) olonkarik chitram, 2) manvi akritinchim toxatoxem rekhankon axil'lim chitram, 3) kothanokacher adaril'li chitram. Poilea vibhagant zonauram, pokxi, kolpit sauzam ani yokxogondhrv, otimanovi yoni hancho aspavo asa. Dusrea vibhagant lokpal, bud'dh ani bodhistv hancho aspavo asa. Bud'dh ho lamb kanank lagun her bhikxum poros matso vegllo dakhoila. Bodhistvanchea angar rajbhuxonnam asat.

Kaim chitram somuhorupant asat. Tatuntolem ek kuberachea ponchik namvachea senapotichem asa. Chitrant to boxil'lo asun laginch tachi bail hariti bhurgeak gheun boslea. Bud'dhochitram torekovar asnobondhachim asat. Tancheo mudra vingodd vingodd bhavo dakhoitat. Bud'dhachem purai choritr hanga chitrit zal'lem dista. Tisrea vibhagant zatok- kozhancho aspavo asa. Sibizazatokant bodhistvan eka parveak vattoupa khatir aplem mams sosanneak koxem dilem tem dakhoilam. Mohazonokozatokantlea kothentole kaim dekhavo asat. Simhli razoknyechi bodhistvak tarum buddtta ten'na monnimekhol yokxan taka dil'lo palou he dkhavo tatunt asat. Ruruzatokant bodhistvachem horonn zal'lem dista. Chhond'dotozatokant to hot'tincho raza zata. Vessontorozatokant bodhistvak dexteag korcho poddtta. To aplim bhurgim brohmonnak dan dita. Brahmonn tea bhurgeancho chholl korta ani magir indrache kripen vestontorak bhurgeam soit razolkxmichi prapti zata oso to dekhavo asa. Hangchim 16, 17 ani 19 hea kromankachim lenni sthapty ani chitrokola hea donuy nodren pollelear bhartantlea her sogllea lennea poros soglleant unch pamvddeachim asat osem borjes hannem mhollam. Ostontea kolavindamni sollavea chitrachi khub tust kelea. Xok, bodhistvak dexteag korcho poddtta. To aplim bhurgim brohmonnak dan dita. Brohmonn tea bhurgeancho chholl korta ani magir indrache kripen vessontorak bhurgeam soit rajdolkxmichi prapti zata oso to dekhavo asa. Hangachim 16, 17, ani 19 hea kromankanchi lenni sthapty ani chitrokola hea donuy nodren pollelear bhartantlea her sogllea lennea poros soglleant unch pamvddeanchim asat osem borjes hannem mhollam.

Ostontea kolavindamni sollavea chitrachi khub tust kelea. Xok, karunny ani spoxtt prosongochitronn hea babtint hea chitrak fattim ghalpi kolakriti kolechea itihasant mellpachi na, oxem grifith hannem mhollam. Hea chitrant vakattokokalin chitrokola tengxek pavil'li dista. Sollavea lennea fuddlean sokoil demvtokoch nagrazachem lhanxem lemnnem lagta. Tatunt eka nagan kel'lea venttalleacher nagraz bosla ani tachea mathear rotnozoddit mukutt asa. Ojinttheachi lenni nag karagiramni korantleant mhunn tatunt oxa nagrazancheo protima khub kodden distat, oxem miraxi hannem mhollam.

Sotravem lennem viharopd'dotichem asun ekunnisavem choity pod'dotichem asa. Sotravem lenne rixik dexachea razan bhikxu songha khatir korantil'lem oxem mhonnttat. Hache dave vottenchea vonntticher eka vhoddlea chokrachem chitr asa. Ekunnisavea lenneak ‘gondhkutti’ oxem mhonnttat. Tachea bhair- bhitor sobit korivo kam' asa.

Ojinttha lenneantole chitroprosong zori bud'dhachea jinnecher adarit asle, tori tatuntlean ten'nachea somaz jinnechea vingodd vingodd angancher ujvadd poddla. Tea kallantleo vostu, vesbhes, olonkar, khell, monoronzonachim sadhnam, vadeam, ayudham, lankddachim asnam ani patram chea vividhote voilean ten'nachi somajik jinn sukhi ani somrid'dh axil'li oxem disun yeta. Gupt-vakattok xilpam-i bhaupurnn asat. Ozonttha lenneant bailancheo oprup chitrakriti asat. Tamnni ghal'le torantoranche olonkar ani kemsanchea rochnnukeche kel'le torekovar prokar polloun prekxok bharaun vota. Pakheancher ani khambeancher velbutt'ttichem oprotim' nokxikam' chitarolam. Ojintthachi chitrokola monxankuch nhoi tor suknneank- zonaurank legit nazuk ontHskornn asta hachi zannvikai korun dita. Taka lagun he kolek omropod favo zalam.

Polleiat[बदल]

Ajanta_Caves

"https://gom.wikipedia.org/w/index.php?title=Ajanta&oldid=198952" चे कडल्यान परतून मेळयलें