Amchem Noxib

विकिपीडिया कडल्यान
Jump to navigation Jump to search

Amchem Noxib 1963 vorsa prostut kelolem Konknni cholchitr.

Hem 1950chem Mogacho Anvddo uprant dusrem Konknni cholchitr asa ani nirmato Frank Fernandachem poilem cholchitr (Nirmon-a adim). Amchem Noxib lopkprio zalam.[2]Hachim kantaram-ui khup famad zaleant.[3]

Kolakar ani vavurpi[बदल]

  • Nirdexok: A. Salam
  • Nirmato: Frank Fernand
  • Songit: Frank Fernand

Kolakar[बदल]

C. Alvares, Ophelia, Rita Lobo, Anthony Mendes, Antonette Mendes, M. Boyer, Kid Boxer, Souza Ferrao, Remie Colaco, Cyriaco Dias, Star of Arrosim, Titta Pretto, Rico Rod, Seby Coutinho, Alfred Rose, Philomena Braz, Lucian Dias, Leena Vaz, Master Vaz

Kothɑ[बदल]

Ponnjecho Dr. Monteiro ek vevsaik bhett divpak Mumboi pavta. Aplo mekllo vell sarpak to eka hottelant bhitor sorta, Thoinsor Flavia hea sundor gavpeak to bhulta ani poilech nodren tiche vixim mog kirlota. Dotorak aplea kama khatir thoinsorlo koddsorcho poddtta. Hea khatir Vales, hea tachea butkerak to Flaviachi sodpus korunk sangta. Punn Flavia, tankam dogainkui mellna, Itlean Dotor niraxi zavn Goeam portota. Ganvchem Emma Dotorak khub axeta ani aplo korunk vavurta. Itlean, Flavia aplo kontrad sompovn Goeam pavta. Punn Dotor hi khobor nokllo. Dotor aplea eka piddestak-Barettobabak bhett divpak veta. Flavia, Barettochi soiri asta. Punn Dotorak tichi bhett zavnk noxib na., Flaviachi khobor ganchea kaim tornnatteank kolltta. Barettochea bholaikechi chovkoxi korpachea niban te Flaviacher tir marunk sodtat ani he porim Barettok sotaitat. He sotavnnentlo mekllo zavnk, ghorchim Flaviak ek kazari ostori mhonn vollokh korun ditat. Barettobabacho cholo Robert, hem apnnak boreak poddlem mhonn murgott’tta kiteak tacho dollo Flaviacher asta. Punn noxibachem chak he pavtt Dotorachea vordan firta, Dotorak Flavia doddtta ani sogllem khuxal cholta. Robert ani Emma dogaim he zoddiek doxim korunk vavurtat ani Flavia ek kazari ostori mhonn Dotorak sangtat. Ani porot he zoddiechi duspott zavnk pavta/ Punn noxiban ho goir-somoz pois zata ani koddsorlolim kallzam ekvott’ttat. Dotorachi part C. Alvares korta tor Flaviachem patr Rita Lobo korta. Rita Lobo hi hea filmant novem mukhamoll ji Mungllurkarn zavn asa ani sodheak Mumboi Andheri vibhagant ravta. Vinodi bhumikent Anthony Mendes ani Antonnete distat. Emmachi bhumika Ophelia ani Robertacho obhinoi M.Boyer kortat.

Manddo-dulpod, kantaram[बदल]

Hea filmantlo manddo-dulpod, Mollbailo Dov, Bheknnaita Pai kantaram bhov lovkik zaleant ani tim songitacho suvad ghevpeanchea vontthar ozun khellttat. EMI Gramaphone Company of India hannim kantaram mudraileant tim kantaram borovpi C. Alvares, M.Boyer ani Remmie Collaco zavn asat. Hea filmant ek Inglix kantar asa-I lost my heart to you jem Alfred Rose hannem ghoddlam ani Molly hinnnem gailam. Hea filmanchem khaxeleponn mhollear Anthony Mendes hacho vinod ani tantuntlim lokprio kantaram. Hea filmank ek lakh ponchvis hozar Rupia khorch aila.[5]

Sondorbh[बदल]

1. ↑ http://www.goacom.com/joel/news/2007/apr/02apr07.htm 2. ↑ http://www.goacom.com/joel/news/2007/apr/09apr07.htm 3. ↑ http://www.daijiworld.com/news/news_disp.asp?n_id=32041&n_tit=News+headlines 4. ↑ http://goaheritage.in/parmal/content/stars.pdf. 5. Konknni Cholchitram by Isidore Dantas(2010)

Bhaileo zullovnneo[बदल]

"https://gom.wikipedia.org/w/index.php?title=Amchem_Noxib&oldid=198978" चे कडल्यान परतून मेळयलें