Alfred Rose
| |
Romi
|
Rosario Alfred Fernandes (5 August 1932 − 21 October 2003), zaka Alfred Rose mhonn volkhotat zaun aslo ek tiatrist, zaka sogleavon famad Konknni kantar korpi mhunnunk xektat. Tennem romans-ui boroileo. Alfred Rosan Amchem Noxib ani Sukhachem Sopon, hi cholchitranim kam kelem.
Famad zallo Konkani Tiatr Palkacher, Alfred Rose hea navam. Tajem nav zaun aslem Rosario Alfred Fernandes. Zolmololo Augustache 5ver, 1932 hea vorsak, Calvim, Aldona hea Goemchea gavant. Tiatrist familint zolmolo ho Goemcho putt. Bapaichem nav A M B Rose ( Ambrose Fernandes) ani Avoichem nav Dolarosa Fernandes. Tiatrist C Alvares, anne taka mogan nav dil’lem Junior Rose. Alfred Rose anne aplo poilo part tiatrant 1943 vorsak kello. Alfred Rose hem nav tannem 1950 vorsak ghetlem.
Fattbhuim
[बदल]Tacho zolm 5 Agostt 1932 hea disa zalo. Tachem Maichem nanv Doloroza ani Bapaichem nanv Ambroz aslolem. 1949 hea vorsak Sant Xavier iscollantlean S.S.C. pas zalo. Tachea uprant tannem bankechi porikxa dili. Tea porikxent pas zalea uprant National Overseas ani Grindlay’s hea bankamni tannem nokri keli. Larson ani Toubro ani toxench Gulfant anik eke bankant tannem aplo vaur kelo. ‘Alfritz Goa General stores hea namvan tannem svotacho posro ukto kelo ani apli bholaiken zata title meren tannem to choloilo.
Tiatrachea mollar kel'lo vaur
[बदल]Tajim kaim gazlolim kantaram mhollear: ‘Light House, Silver Jubilee, I lost my heart to you, Come on Sing, Mandovi date with Daisy, Viva la, Luiza the Bombxel, Tin bolladik hathearam, Gõykar vo Mungllurkar, Dev nhidunk na, Kalchi koddi, Bodlunk ghoddchem na, Mhojem magnnem, Poilea cheddeacho Baltim, Bela-bela-bela, Pai, Ami soglle ek, Saddi, Pain korunk na tem, Londoncho mog, Kampala, Bamnnali pori, Saukaracho por, Chandor vatti, Patollantoli kumvori, Goroita gheun gori, Ago mhojea sundorea, Ga-re-go, Teg foler arthiche, etc.
Alfred Rozache kaim vikrom
[बदल]Modor Teresa jivi astana tichea jivitacher adarun aslolem tannem 1951 hea vorsa poilem git gailem. Toxench A. R. Souza, Kid Boksor ani Rejinald Fernandis hea monxanchea jivitacher ani toxench tanchea vauracher kantar tannem gaileant. Ghumvte machyer 1958 vorsa tannem poilo tiatr sador kelo. ‘Director Saib’ (1961) ho tiatr thambnasotona (Non stop) dakhoupi to poilo tiatrist. Tiatrachea itihasant aplem lognachem amontronn konknnitlean chappi to poilo tiatrist. ‘Boglantt’ hea filmant tannem ekach disa bhitor atth gitam rekord kelim. Ekach disa bhitor itlim kataram rekord korpi to poilo tiatrist ani konknni filmachea itihasant hem poilem paut ghoddlem.
Alfredd rozan kel'lem borop
[बदल]Tannem don kadombreo ani 10 kantarache jhele solfa soit ujvaddak haddleat. Tea bhair ‘Zomnintli bhirant’ hem ek vinodi pustok chaplam. Toxench tannem potrokaritechea mollar dolle dipkaupi vaur kel'lo amkam pollounk melltta. Goa Times, Sot uloi, Cine times hea nemalleancher tannem aplem borop kelam.
Tiatrachea mollar taka mellole kaim mukutt
[बदल]‘The Melody King’, ‘The living musical Legend’, ‘Father of Konknni cassettes’, ‘The Singing Sensation, ‘ Music Maestro’, ‘ The singer with a panama hat’, ‘Magic Wand’, ‘ Konknni Ambassador’, ‘International Super Star’, ‘Gigantic Figure of Konknni Stage’, ‘ The Sultan of Swing’, ‘Sangit Sagor’, ‘ The Man with the golden voice’, ‘Alfies voice is a gift’, ‘Sab kuch Alfie’,.
Marann tachea so daskachea tiatristponnant, Alfik fivnneo ghalun talleancho ximvor korun yeukar dilo. Nimanne 2-3 vorsam, Okttoborache 23 tarker Alfred Rose hachea nikipinnea (zomnint purop) vellar, tiatristamni ani tachea tiatr mogeamni Alfak talleo pettoun nimanno adeus kelo.
Polleiat
[बदल]Alfred Rose, Evergreen Goan Melody King
https://web.archive.org/web/20150801005117/http://www.alfredrose.com/