Amos achem Pustok

विकिपीडिया कडल्यान
 
Romi
     

Amos achem Pustok[बदल]

Book of Amos

An 18th-century Russian icon of the prophet Amos (Iconostasis of Transfiguration Church, Kizhi monastery, Karelia, Russia).

Amosachea pustokant somajik Nit ukhlun dhorlea. Oniticher, opromannikponnacher, goribanche piddnnukecher, hem pustok nixed marta.

Amos, Tekoacho gonvlli (1/); To provadi-I nhoi ani provadiancho putui nhoi, punn Sorvesporan taka hind choroitalo thoincho apoun Israelak bhakit korunk patthoilo (7/14). Thoddeach kallar tannem aplem muniarponn choloilem magir taka Israelantlo bhair ghatlo ani to aplea adlea vaurak portolo ( 7/10; 3/9; 4/1; 6/1).

Sorvespor atth raxttranchi mon’subi korun formonn marta tem survatekuch mellta. Him atth raxttram mhollear : Damaskus, Gaza, Tir, Edom’, Amon, Moad, Juda ani Israel. Juda ani Israelan Sorvesporacheo adnia ani updes moddle zalear urlolea sov raxttramnim Juda ani Israela add korar moddlo. Israelachea jivitant lonch ghevop, broxttachear korop, goribank piddnuk divop aslem dekhun Sorvesporan tacher formonn marlem.

Jeroboam’ II, (783 – 743) hacea kallar tannem aplem munniarponn choloilem. Tea kallar girestamnim goribank fottoile, boro sevadhorm kelo punn tantunt Devachi bhokti nasloli. Tedna Amosan Devachea nanvan uloun broxttachari jivitacher, somajik oniticher, tonddapurti bhoktincher khoraien nixed marlo (5/21-22). Sorvespor, ak’khea sonvsaracho xrextt dhoni, raxttrank khast lavpi ( ovesvor 1-2). Israelak zankam Devan venchun kaddlea tannim zhor khotteponnam korit zalear Dev tankam koddok khast laitolo (3/2). Sorvesporacho Dis, uzvaddacho nhoi punn kallokhacho zatolo (5/18); Dev eka raxttrak upzoita (6/14). Tem raxttr mhollear Assiria, zorui tachem nanv sangunk na punn sodanch tem provadiachea monancher aslem.

Tor Amos, ek bhorvanso dita, to Jakob ghoranneanchea taronnachi vat polleta (9/8); Toxench Juzechea urlolea zomeachi (5/15), Sorvespor doia kortolo oxem Amos mhonntta.

Polleiat[बदल]

Book_of_Amos

Books_of_the_Bible

Bible

Sondorbh[बदल]


[1]

  1. http://www.usccb.org/bible/books-of-the-bible/index.cfm
"https://gom.wikipedia.org/w/index.php?title=Amos_achem_Pustok&oldid=198993" चे कडल्यान परतून मेळयलें