Aryavarta

विकिपीडिया कडल्यान
हुपून वचात: दिशा-नियंत्रण, सोद

…. Page needs to be Edited.

The approximate extent of the Vedic period Āryāvarta is highlighted in pale yellow

Purvil'lea kallant ary lokamni bhartant yeun zo vatthar vosoilo taka ‘ areavrt ’ oxem mhonnttat. (vixnnupurann 2/3/1 ani markonddey purann 57/56). Hatunt areavrtak ‘ bhartourx ’ oxem mhollam. Guptokallant hea vattharak ‘ kumaridvip ’ oxem namv aslem.

Rigved kallant ary lokanchi vosti suptosindhuchea prodexant mhollear vaivy sorohd'd prant ani ponzabant asli. Nodisuktant (10.75) soptosindhuchea prodexant kubha (kabul nhoim), krumu (kurrom'), gomti (gomol) sindhu, poruxnni (ravi), xutudri (sotloz), vitsta (jhelom'), sorsvoti,yomuna ani gonga heo mukhel nhomyo vhamvtaleo oxem mhollam.Voidik ary jea vattharamni rautale tea vattharacheo ximo hea nhomyamni ankholeat.

Kaim kallauporant ary suptosindhuchea vattharantlean udentekodden ani dokxinnekodden patll'lle. Uprantchea kallant kurupanchal ani koslovideh he dex areanchim samskritik kendram zalim. Brahmonngronthanchi nirmonni heach kallant zali. Zaite yogoneyag hea vattharant zal'lean,tea vattharak ‘ prozapotichi nabhi ’ mhunn vollkhupak lagle. Xotpoth brahmonn kurupanchalantoli bhas soglleant bori ani pramannik oxem sangta. Upnixodanchea kallant areancho rabito kaxisaun videh zonpodameren mhollear ponzab saun mithilemeren aslo. Dhormosutranchea kallant areavrtache ximevixim zaite motbhed zal'le distat. Vosixtth dhormosutrant areavrtachi veakhea oxi dileaH

Areavrt pragodrxat, protyok kalkounadudok

poriatrad'dokxinnen himout ut'torennoch vindhyosy। (1.8-9)

orthH sorsvoti nhoim zom-i gupt zalea tea vattharache udentek, kalkounache ostontek, poriatr ani vindhy porvotache ut'torek ani himaloyache dokxinnek areavrt dex vosla.

Vosixtthan areavrtavixim anik don motam manddleat.

‘ gofgaimunoyorntorepyeke। yaudva krixnnomrigo vichroti taud brohmourchosomityonye ’ (1.12.13)

orthH gonga ani yomuna nhomyam'modlea vattharak areavrt mhonnttat va jea vattharant krixnnomrig konnachich bhirant ballginasotona bhomvtat, zo prodex yogoneiy asta taka areavrt mhunn vollkhucho.

Boudhainodhrmosutrant ‘ adrx ’ hea utrasuvater ‘ vinxon ’ hem utor vaprolam. Voilim donuy utram ekach vattharachim asun vinxon kxetrant sorsvoti gupt zali oxem mhonnttat. Monun areavot prodexachi manddaull oxi kelea.

Asmudrat'tu voi purvadasomudrat'tu poxchimat।

toyorevantorom gireorareavrtom vidurbudhaH।। (2.22)

Orth himaloi te vindhy ani udentecho dorea te ostont dorea merenocho vatthar ‘ areavrt ’ mhunn vollkhucho.

Purvil'lea kallant vindheache dokxinnekoddolo vatthar areavrtache va aryosomskritayeche ximebhair aslo, hem disun yeta. Vosixtth jea vattharak ‘ areavrt ’ mhonntta teach vattharak monu modhyodex mhonntta. Vosixtthan areavrtachi udentekoddoli xim' kalkoun mhollea, tor monun modhyodexachi xim' proyag mhollea. Kalkoun ani proyag hea doganchi-i suvat ekuch axil'lean, monu ani vosixtthachi teasombondichim motam sarkim distat. Purvil'lea kallant proyagachea lagsar ek vhodd ran aslem, oxem valmiki ramainnantlea oyodheakanddant (54.55) mhollam. Tachevelean monu ani vosixtth hamnni sangil'le vatthar ekuch hem spoxtt zata. Areavrtacheo ximo voir sangil'leapromann asleo. Hea ximambhair axil'lea vattharak ‘ mlenchchh dex ’ mhonnttale. Hea vattharant vochun yeupi areavrtachea nagrikank aple disoptt'tte veuhar suru korchepoilim praixchit gheuchem poddttalem. Udentek ong, vong, koling ani ostontek sindhu souvir hea dexant gelear punstom' va sorvoprixtth yogone korcho oxem boudhd dhormosutr sangta (1.1.29-30). Kallachea oghant ghoddpi bodlacho boro va vaitt porinnam' somskritayecher zata, ten'na sodachari kxotriy razachea hatant razost'ta urop gorjechem asta. Tepasot sodachari kxotriy razan jikhil'lea rajeank areavrtant suvat divchi ani thoim chaturvornny podhdot pallchi, oxem meghatithibhaxy mhonntta. Kornnoprvant (43.5-8) purvil'lea kallant voidik areanchem somskritayechem kendr axil'lo ponzab, mohabharotokallant younanchea hatant gelo ten'na acharohin zalo oxem sanglam. Areavrtant voidik rixi, smritikar hankam ador ani bhoumanan polloitale. Areanchi jinnopdhdot ani somskritai somvsarabhitor soglleant unch pamvddeaveli asa oso tankam gorv aslo. Monu mhonntta-

etd'dexoprosutsy sokaxadgrozonmon।

svom svom choritrom xikxeron prithiveam sorvomanova।। (2.20)

orthH hea dexant zolmol'lea brahmonnakoddlean purai monisokulloyen apapolem dhormik ani noitik achronn xikchem.

Polleiat[बदल]

Aryavarta

ह्या विषयावयर देवनागारींत बरयिल्लें पान वाच : आर्यावर्त
"https://gom.wikipedia.org/w/index.php?title=Aryavarta&oldid=163192" चे कडल्यान परतून मेळयलें