Bebinka
| |
Romi
|
Bebinka ho ek gõycho paromporik godd jin'nos. Taka bebika, bebinca oxem-i mhonnttat. Zori tem gõyant khub famad asa tori tem purtugalak pasun tem famad asa. Porompore promann dor bebinkak 7 xiro astat, punn kaim pautti chodd aspak xoktat.[1] Pitt, sakor, tup, tanteacho boll, nal'lache ros he tache samgri zaun asa. Eka kunneant sonn'nnam ghalun taka uzo laitat ani tachea voir handdyent bebinkak toyar kel'lo ros il'lo il'lo korun ghaltat. Bebinkacheo xiro ek ek korun bhajpak zai. Bebinka gõychea festank, kazarank toxench kristi somazache her mhotvache porbamni vaprotat. Kaim lok bebinka gõychea bhair pasun dhaddtat.
Itihas
[बदल]Bebinka gõyant toyar zal'lem oxem mhonnttat. Sompeponni mell'llil'le samgri vaprun toyar kortat. Kalla promann bebinka toyar korpache pod'dhotint bodol ghoddot aila.[2]
Bebinkachi samagri
[बदल]- 1/4 kil pitt
- Mitt
- 800 gram sakor
- 15-16 tanteache boll
- 3 nal'lacho ros
- Tup
- Zaifoll
Bebinka koxem toyar korop
[बदल]Bebinka toyar korpak poilim sakor ani udok chulyer dourun tachem mel kortat. Uprant tantut pitt ani mitt ghalun doullotat. Magir zaifollacho pitto ghaltat. Ani tantunt tanteacho boll ghalun porot doullotat. Atam dusre handdyent nal'lacho ros datt ani patoll oxe don vantteamni dourat. Poilim datt ros gallun ghalpacho ani uprant patoll ros ghalpacho. Chulyer handdi dourun tantunt ghi ghalpachi ani taplea uprant thoddo ros ghalun to bhajlea uprant ani thoddo ros ghalpacho ani to bhajlea uprant ani thoddo ros ghalun sonn'nna ghatil'lea kunn'nnem te handdir dourun dusri xir toyar korpachi ani ti toxich bhajpachi. Oxem korit vochpachem, 7 xiro zai pasun nazalear ros somp pasun. Hache bhair ani zaite toramni bebink toyar korpak xoktat.
Bebinkachem vaddop ani khaup
[बदल]Bebinka barik katrun khatat. Punn tem aiskrimi vangdda vaddttat. Tem choddxem kazarak, vadd'dis, festank kristi somazant vaddttat.
Sondorbh
[बदल]- ↑ "Bebinca". Atlas Obscura (in इंग्लीश). Retrieved 2021-02-15.
- ↑ "Archive copy". Archived from the original on 2014-05-08. Retrieved 2021-02-15.
{{cite web}}: CS1 maint: archived copy as title (link)