Filipkarank Pauluchem Potr

विकिपीडिया कडल्यान
हुपून वचात: दिशा-नियंत्रण, सोद
ह्या विषयावयर देवनागारींत बरयिल्लें पान वाच : फिलिपकारांक पावलुचें पत्र
Papyrus 87 (Gregory-Aland), the earliest known fragment of Epistle to Philemon, believed to date to the late 2nd or early 3rd century.

Filipkarank Pauluchem Potr[बदल]

Epistle to the Philippians

Filipkarank Pauluchem Potr[बदल]

Filipichi povitr-sobha mhollear Paulun Europachea ganvamnim sthaploli poili Kristi sobha. Masedonientlea eka mon’xachea dorxonak lagun, Paulu, Timot ani tache bhageli Aziek thaun Europak pavle.

Filipi xarant kai-kai mon’xamnim Jezucher bhavarth dovorlo, devchar boslolem ek cheddum borem zalem. Pauluk bondkhonnint ghalo, taka soddlo, ani uprant tea xarantlo to koddsorlo – hi soglli khobor Luk Dhormdutancho Itihas hea pustokant dita (DI 16, 11-40 polle ).

Lokak Paulucho khub moipas aslo ani dhormporgottnnechea vavrak tannim taka adar dil’lo; Paulu-I tanchi kherit opurbai kortalo ti hea potrant dixtti poddta. Zata title vegim, tankam bhett kortolo mhonn Paulu bhorvanso dakhoita.

Koslea soegak lagun hem potr boroilem tem potrantuch to sangta. Pauluk bondkhonnint ghala mhonn aikun, tachea gorzank pavunk, thodde poixe diun, Kristanv Filipkaramnim Epafroditak dhaddlo ani Paulucho sangati ani sevok kozo tache-xim rav mhonn tannim taka sanglem. He bhaxen vavr kortana, Epafrodit piddent poddlo ani sarko morunk pavlolo. To somadhan zatoch, taka porot Filipik dhaddunk Paulun chintlem. Filipkaranche povitr-sobhen adar dil’lea pasot, hea potrant Paulu tancho upkar attoita, ani Epafroditan apli seva keli mhonn tachi tust korta. Teach borabor, hea soegacho faido kaddun, bhavarthiam modem vefllochar asat te moddun uddounche mhonn Paulu tankam budh dita, ani Kristanv zal’leank Judev Adlea Koraracheo chali-riti kaideaxir koxeo pallunk boll kortale te vixim tankam xiddkaita. Hem potr Paulu bogor dusrean boroilem-xem disona. Tem 63 vorsa Roma xarant boroilam.

Hea Potrachi manddavoll oxi :[बदल]

Prostavna 1 : 1-11

Pauluchi khaxa poristhiti : 1 : 12- 26

Krista sovem jivit : 1: 27 – 2 : 18

Timota ani Epafrodita vixim ievzonn : 2 : 19-30

Dusmanam ani sonkoxttam vixim xiddkavnnio : 3 : 1-4:9

Paulu ani tachea Filipkaranche ixttagotichi khunna : 4 : 10-20

Sompadnni : 4 : 21-23


Polleiat[बदल]

Filipkarank Pauluchem Potr

Epistle_to_Philemon

Devachem Utor - Povitr Pustok

Books_of_the_Bible

Bible


Sandarbh[बदल]


[1]

[2]

  1. http://www.usccb.org/bible/books-of-the-bible/index.cfm
  2. http://www.archgoadaman.org/bible/14
"https://gom.wikipedia.org/w/index.php?title=Filipkarank_Pauluchem_Potr&oldid=168645" चे कडल्यान परतून मेळयलें