Galasiekarank Pauluchem Potr
| |
Romi
|
|
Epistle to the Galatians
Galaseikaram Dhaktte Azient, Kapadosia ani Frijia ganvam modem, jietalim. Tim videxiam modlim kristanv bhavarthi ani 52vea vorsa Paulun tankam Jezucher bhavarth dovrunk oddlolim. Tanche modem Paulucho vavr ekdom’ folladik zal’lo, tannim Povitr-Snan ghetlolem an tancher Povitr Atmo subham’ponnan denvlolo; tanche modem zal’lea ojapam udexim tanchea kallzamnim Povitr Atmo asa mhonn tthavem zatalem.
Paulun tankam don pavtti bhett keli ani, aplea updesam ani budhim vorvim, tankam bhavarthant thir kel’lim. Punn, tache dusre bhonvdde uprant, thodde Judev xastri tankam, nigtinch kristanv zal’leank, Paulun xikovnn dil’li tiche pros veglli ani virudh xikovnn ditat mhonn konna-konnachea potra vo kherit niropa vorvim taka khobor pavli. Ani virudh xikovnn mhollear hi : Kristi bhavarth dhorlea uprant-ui, promannikponn ani taronn melltolem zalear, sunot korunkuch zai ani Moizesan dil’leo chali-riti samballunkuch zai. tea bhair, Pauluk Devan kherit vavr diunk na mhonn sangun, he khotte xastri tacho odhikar kaddun uddounk sodtale.
Efezant astana hi khobor Pauluchea kanar poddli; punn hea aplea novea Kristanvank apunn bhett diunk pavona mhonnun, he gombhir poristhitik fuddo korunk Paulun hem potr boroilem. Hea potrant to aplich ani aple xikovnnechi rakhonn korta. Aplo odhikar Devan dil’lo odhikar ani apnnem dil’li xikovnn khori mhonn to nettan sangta. Taronn Moizesache Somurti vorvim nhoi, punn khursar morun punorjivont zal’lea Jezu Kristacher bhavarth dovrun mellta mhonn to dakhoita.
Hea Potrachi manddavoll oxi :
[बदल]Prostavna : 1 : 1-10
Paulucho Dhormdutacho odhikar : 1 : 11- 2: 21
Devache doiallaiechem Xubhvortoman : 3 : 1-4 : 31
Kristi svontontrai ani zobabdari : 5 : 1-6 : 10
Sompadnni : 6 : 11-18