Jayanti Naik

विकिपीडिया कडल्यान
Jump to navigation Jump to search
ह्या विषयावयर देवनागारींत बरयिल्लें पान वाच : जयंती नायक

सांचो:Infobox writerDr. Jayanti Naik, Goenchea Kepem talukeantlea Amona ganvchi, ek Konknni borovpi ani Goenchea lokvedacho sod korpi zavn asa. Ti ek mottvi kanni borovpi, nattkist, bhurgeam khatir borovpi, lokvedacho obheas korpi, bhaxantor korpi zavn asa ani Goem Vidheapitthachea Konknni vibhagantlean unch podvi mellovpi ti poili veokti zavn asa. Ti Sahiteo Akademi tosrip jikhpi bi zavn asa. Tichea tin doskanchea karkirdint, tinnem  dor vorsa sorasori ek pustok uzvaddailam (zantunt gunnacho sonket na).सांचो:Citation needed

Konknni lokved[बदल]

Dr Jayanti Naik Goem Konknni Akademichea lokved vibhagacho samball korta, zacho hetu " Goenchea girest lokvedacho rakhonn ani samball " zavn asa.[1] Tichea vavrant Ratha Tujeo Ghudio, Kanner Khunti Naari, Tlloi Ukhalli Kelliani, Manalim Gitam, Pednecho Dosro, ani Lokbimb aspavtat

Naik hinnem lokvedacher 16 pustokam boroileant. Tichea Konknni lokved pustokant zachem nanv Konknni Lokved tantunt sabar lok kannio asat jeo Konknni-ulovpi sthlantor korpeancheo asat zannim Bharotachea dokxinn prantamni zoxe porim Kornattok ani Keroll hanga biradd kelam jem os’sol prokarant asun tantunt thollavi zholok dista, ji tika sangpant ailea toxi asa..[1]

Naikachem Amonnem Ek Lokjinn (Goa Konkani Akademi, 1993) Amonachea ganvcher ani tichea bhonvtonnchea zageancher kendrit asa.Tantunt itihas, dhorm, somajik dostur, utsov ani lokved her vixoiam sangatak asat

Lok kannio[बदल]

Tinnem Venchik Lok Kannio hachem sonkolon ani sompadon kelam, ji ek Konknni lok kannianchi punji Romi lipient asa ji Goem Konknni Akademin 2008 vorsa uzvaddailea. Felicio Cardozo. hannem tachem lipiantor kelam 

'Lokrang' (2008) ek Goenchea ani Konknni lokvedachea nibondanchi punji zavn asa.i

Konknni borovp[बदल]

A History of Konkani Literature: 1500 savn 1992 poreant, bhaxaxastri ani Konknni borovpi Manohararāya Saradesāya (zaka Dr Manohar Rai Sardesai mhonnui vollkhotat) to 1962 vorsa zolmololea Naikachea Gorjon mottve kanni vixim oxem mhonntta: "Gorjon mhonnche Arodd ani khoreponni hangachi ostori aplea bollachi ani somajik hokanchi zanniv asun “aroddtta” Ti  goribanchi, bollixtt ani girestanche virudh, oskot ani chidd’ddololeanchi arodd asa. Tiche xoilent takot asa punn thodde kodden tichem sangnnem tichea vichara poros fattim urta". Tannem Jayanti Naikachea Nimnnem Bondd hacher protikria kelea zantunt to mhonntta "Devachea nitichea ievzonne virudh naposonti dakhoita " ani fuddem boroita: " Ostoreo borovpi thoddeo bhavnecheo astat hem sot punn him bhavna chodd kelolim disnant."[2]

Ostoream kendrit[बदल]

Jayanti Naik  (Hema Naik achea vangddak) vixim Jyoti Kunkolienkar borovn sangta ki heo ostoreo aiz Goenchea ostoreanchea kendrit vixoiam voir Konknnint boroitat.[3]

Tichea vavranchem bhaxantor[बदल]

The Final Victory,  Jayanti Naikachea Zoit mottve kanniechem ek Vidya Paichem bhaxantor,hem Goa Today masikachea Outubr 1999 hachea ankant uzvaddavpant ailam.

Asaadi, hem Vidya Pai-n Jayanti Naikachea teach nanvanche mottve kanniechem kelolem bhaxantor. (Samyukta—A Journal of Women's Studies, Vol III, No 2, July 2003, porgottpi Women's Initiatives, Thiruvananthapuram. http://www.samyukta.org Editor GS Jayashree Post box 1162 Pattom Palace PO, Thiruvananthapuram, Kerala 695004.)

Basavo, henvui Vidya Pai-n bhaxantor kelolem ek Naikachea teach nanvanchem kanniechem bhaxantor zavn asa, Hem Brittix Council prokolpacho eka mhazalleachem bhag zo Dokxinn Asiechea ostorea borovpeancho zachem sompadon Mini Krishnan ani Rakshanda Jalil hannim  kelam, Hem sodheak uplobdh na.

Flowers and kumkum ---- ostoreancho kazari sthanacho nomuno (portun Vidya Pai-n kelolem)hbaxantor Naikachea nibond Phool kumkum ---avoiponnache kurvo' Chitrangi nemalleant Mai 3, 2015vorsa porgottlam.

  • "Uma and the Human Sacrifice" Augusto Pinto jem tin bhagamni The Navhind Times Goem Outubr 13–27, 2012 porgottlam
  • "A fulfillment of a Desire"  Augusto Pinto jem char bhagamni The Navhind Times' Goem 19 Mai tem 8 Junh 2013 porgottlam.
  • "If Vozhoryo Curses then ... bhaxabtor char bhagamni The Navind Times, Goem  Dezembr 22, 2012 ani 5, Janer 2013
  • "Biyantul: A Cinderella Story bhaxantor tin bhagamni  The Navhind Times, Goem  6 Abril 2013 ani 20 Abril 2013 porgottlam.

 Augusto Pinton bhaxantor kelolea venchik kanniachi punji ievpachi asa.

Dr Jayanti Naikacheo porgottnneo[बदल]

Naik ek pikall borovpi ani lokveda xivai tinnem sahitiechea vegllea toramni boroilam zantunt mottveo kannio, kovita, nattok ani bhurgeanchem sahiteo aspavta,.Tichea pustokanchi volleri sokoil zoddlea.

  1.  Gorjon (Mottveo Kannio, 1989)
  2.  Ratha Tujea Ghudeo (Lokved 1992) 
  3. Kaner Khunti Nari (Lokved , 1993)
  4. Talay Ukhal’li Khellyani (Lokved , 1993) 
  5. Manalim Geetam (Lokved, 1993) 
  6. Amonem – Ek Lokjinn [Amona – Lok sonskruti] (Lokved, 1993) 
  7.  Pednnecho Dosro [The Dussehra Festival of Pernem] (Lokved, 1995) 
  8. Nagsherachem Sur [The Voice of Nagsher] (Lokved, 1996) 
  9. Lokbimb (Lokved, 1998) 
  10.  Sorpanchi Koramat [A Snake’s Traits] (Bhaxantor, 1998) 
  11.  Konknni Lokkanni [Konkani Folk Tales] (Lokved, 2000) 
  12.  Vaghmamachi Fajitee [Uncle Tiger’s Comeuppance] (Bhurgeanchem sahiteo, 2000) 
  13. Chad Shanyank Fatrachem Shith [The Over Smart Ones Get Stones in Their Rice] (Bhurgeanchem sahiteo, 2001) 
  14. Athang (Mottveo kannio, 2002) 
  15. Navrangi Ful [The Flower of Nine Colours] (Bhurgeanchem sahiteo, 2002) 
  16. Bhurgheamkhatir Lokkanyo [Folk Tales for Children] (Bhurgeanchem sahiteo, 2002) 
  17. Karlechi Banvad [The Banvad of Karla Village???] (Lokved, 2002) 
  18. Sanulyanchi Kavnulam (Bhurgeanchem sahiteo, 2004) 
  19. Goenchim Lokkala [Goencho Lokved] (Bhurgeanchem sahiteo, 2004) 
  20. Ganvran (Lokved, 2005) 
  21. Rajratna (Lokved, 2005) 
  22. Lokrang (Lokved, 2008) 
  23. Lokmothan [Folk Churning] (Folklore, 2008) 
  24. Venchik Lokkannio [Folk Tales from Everywhere] (Lokved, 2008)
  25. Kukumadevichi Deepmaal (Nattok, 2009) 26. Mirgveno (Kovita, 2010)
  26. Visorjon [Immersion] (Bhaxantor, 2012) 
  27. Deshantaricheo Lokkatha - Bhag 1 [Lokkannio …..] (Lokved, 2013) 
  28. Kalmayaa [Kalmaya …] (Nattok, 2014) 
  29. Mhoji Mati, Mhoaji Monxam [My Land and My People] (Rupkar, 2015) 

Ek 9 nibondachi punji sabar ttikekaranchi tichea mottvea kanniachi punji Jayantichi Katha: Aswaad ani Samiksha sompadok. Avadhut Amonkar, Rajaee Publications, 2006. Hea pustokant ek bariksannechi jinn ani tichi jinnechi mhaiti 2005 vorsa poriant dilea..

Bariiksannecheo mulakhoti Jayanti Naik kodde Zag mhoinalleacher Setembr 1998, Mars-Mai Zag 2005 ankant, toxench Goa Today Mars 2005 ankant uzvaddaileat.

Tosripam ani her prapti[बदल]

Tika sabar rajio ani raxttrio tosripam mell’lleant chodd nanvadik Kola Akademi sahiteo tosrip 2002 vorsa Dr TMA Pai Foundation's Boreantlem Konknni pustok puroskar Konknni Lokkanyo khatir 2002; Sahiteoa Akademi Sahiteo Puroskar 2004vorsa tichea mottveo kanniechea ‘Athang’punjek; ani Yashadamini Puraskar 2009.[5][6] Inglixe bhair, ticheo kannio Hindi,Moratthi, Telugu ani Molialom bhasamni bhaxantor keleant.

Ti Konkani Akademi 'Ananya' sahitik nemalleachi sompadok asa

Jayanti Naik hicho aspav Konknni borovpeanchea ganthonint dista zachem nanv Katha Darpan ani tem uzvaddailam 138vo vadd’dis somporpunk Institute Menezes Braganza Novembr 2009 vorsa..[4]

Jayanti Naik adim Thomas Stephens Konknni Kendr hanga asloli ji sonstha ek Konknni proxikxonn ani sodacho kendr asa ji Alto Porvorim Goeant asa. Ti Konknnint poili Ph.D.imellovpi asa jinnem aplo probond sumar 2005 vorsa bhettoilo..[5]

Ttipnneo[बदल]

  1. "Bangalore: Award to Goan Konkani Folklore Reseacher Dr Jayanti Naik". Archived from the original on 2018-11-18. Retrieved 2018-11-17.
  2. https://books.google.co.in/books?id=1YILeUD_oZUC&pg=PA202&dq=jayanti+naik+konkani&hl=en&sa=X&ved=0CB0Q6AEwAGoVChMIlMe4i8y9xwIVBhemCh1IyApo#v=onepage&q=jayanti%20naik%20konkani&f=false p.202
  3. "My stories are about women: Jyoti Kunkolienkar - Times of India". Archived from the original on 2014-05-18. Retrieved 2015-08-22.
  4. "Konkani writers eye national canvas - Times of India". Archived from the original on 2009-11-28. Retrieved 2015-08-22.
  5. "Thomas Stephens Konknni Kendr". www.tskk.org. Archived from the original on 2016-05-03. Retrieved 2015-08-22.
"https://gom.wikipedia.org/w/index.php?title=Jayanti_Naik&oldid=177655" चे कडल्यान परतून मेळयलें