Juanvachem Dusrem Potr

Romi

Juanvachem Dusrem Potr

Second Epistle of John

Juanvachem Dusrem Potr

Hea Dusrea Potracheo kolpona ani bhas Poilea Potrachea kolpona ani bhaxe sarkeoch. Poilem Potr borounchem poddlem teach karonnank lagun hem-I Dusrem Potr borounk poddlem mhollear zata. Chodd korun, poilea xenkddeachea xevottak tem boroilem.

Hem Potr eke vinchun kaddlole ostorek boroilam. Thoddea xastriam pormannem, ti ostori ek khasgi bail: dusream pormannem ti ostori ek khunna : ti ghoddie ak’khi Povitr-Sobha vo Dhaktte Aziechi ek kherit sobha khunnaita ziat.

Zankam hem potr boroilem, tankam Juanv tanchea thir bhavarthak lagun vakhannta ani, koxttanchem inam’ zoddun gheunche khatir, tim xevottak porian bhavarthant thir ravunk zai mhonn sangta. Ekamekacho mog korunk to tankam ulo korta, punn khorea Kristi dhormachea virodhiam kodde tannim kosloch sombond samballcho nhoi mhonn to tankam xiddkaita.