Levi-Xastr hem Pustok

देवनागरी

Romi

ಕನ್ನಡ್

Levi-Xastr hem Pustok

Leviticus

The Tabernacle and the Camp (19th Century drawing)

The Sacrifice of the Old Covenant (painting by Peter Paul Rubens)

Book of Leviticus, Mikraot Gdolot, Warsaw edition, 1860, Page 1

Prostavna ː Hem pustok panch pustokam (Pentteuk), hacho vantto. Levi-Xastr vo Leviticus tachem nanv. Hebrev bhaxen poilim utram mhollear waiqra, "ani tannem apole".

levichea iadnikank tem ek sevadhormik pustok koxem dilam. Sopadpi konn ? Kitem xikoita ? Devan vinchun kaddlole porjen povitrtaen ttanch marunk zai mhonn hem pustok xikoita. He nem'kaide, riti ani porbo sobhar xenkddeamnim akharun aileat. Iadniki poromporent hea pustokan zolm ghetla.

Oslech kaide Suttkechea Pustokant melltat (Sutt. 25 – 31; 35-40). He nem’-kaide Moizesachea kalla thaun ietat, jedna to porjek oronneantlean haddtalo (Sutt. 20/34; Lev. 1/1; Lok. 1/1). Dekhun Moizesachea odhikara khal te ietat. Adle kaide asat, pordesant thaun ietoch hea kallache. Iadniki kaide, Dusrea Mondirache, Lev. 1-7 ovesvoramnim melltat. Aaronachi iadniki makhnni, nitollsanniche kaide, adlea kallar thaun ietat, ani “Farikponnacho Dis” – hea disak toiari kortat. Povitrtaechea Gronthant (Lev. 17-26) rajki kallacheo khub riti melltat. Povitrtaechi khobor purteponnim ekunnisvea (19) ovesvorant melltat, ani sot’tavisavea (27) ovesvorant ek addavnni asa, ti mondirak kel’lea denneanchi khobor korta.