Lokgonnti chem Pustok

विकिपीडिया कडल्यान
Jump to navigation Jump to search

Lokgonnti chem Pustok[बदल]

Book of Numbers

Priest, Levite, and furnishings of the Tabernacle
Figures A Plague Inflicted on Israel While Eating the Quails
Balaam and the Angel (illustration from the 1493 Nuremberg Chronicle)


Prostavna :

Hea Pustok Lokgonnti mhonn nanv dilam, tem poilea panchantlem (Pentateuch) ek pustok, tantunt mhotvachi khobor mellta : bara kullancheo don gonnteo dileat (Lok.1 ani 26). Dekhun Greg bhaxen arithmoi, ‘kullanche ankdde’, Inglejint ‘Numbers’ hem nanv asa. Hebrev bhaxen bamidbar, mhonnge ‘oronneant’, hem utor pustokachea poilea slokant melta. Tacho dusro vixoi ho: Levi-xastrachea pustokant oronneantlean Israelachem poinn zalem tachi khobor hangasor chalu asa. Sinai dongrar thaun tem bhasailolea desa porian, Palestinak, challis vorsam Kadesh-antlean utorlea uprant, porza poinn kort. Ti oronneant odik kall urta.

Khub kotha, kovita ani kaideam-mhal thoinsor asa. Iadniki poromporechi sfurti thoinsor mellta, iadniki sompadpeacho hat thoinsor dixtti poddta (Lok. 1-10 ani 26-36). Tea bhair, sobar her zhorintlim mannkam thoinsor asant : Yahwist ani Elohist porompora (Lok. 11-25).

Hea pustokant itihasik girop mellta to ho : bara kullam, Ejiptantlim bhair soron, oronneantlean Mel’lea Doria bhonvtonnim vetat ani Kanaan-desant bhitor sortat. Punn sogllench nitoll-nivoll na khub addkholli hea molar gavtat.

Pustokant dharmxastrik hetu mhollear ho :

Dev tanchea sangata asa. Judev dharmik riti Moizesachea kallantleo ietat. Dev Povitr, to aple porjechea vangdda asa, to tika rakhta ani choloita. Dhorm mhollear Devachem dennem, tache vorvim porjek patkanchem bogsonnem mellta. Monxak sondhan mellta, dekhun Deva-xim ravum eita, kullam oronneant tombu-xim ravtat. Uprant bhasailolea desant, tech porim him kullam ektthaim ravtolim. Boroinnaracho hetu ho: Dev tankam ekcharak apoita. Dev apli ievzonn dakholl korta, to tancho poramos korta.

Tech porim, hea pustokant amkam mellta porjechem pap. Devacho mog aple porje sovem dixtti poddta, zalear porjechem onupkarponnui thavem zata (Lok. 14 ani 16-17). fuddari kallji dakhoitat, teach borabor tankam oddchonni-i asat (Lok. 20/2-13). Porza Devacher ani tacheo protinidhincher portota. Devan porjekodde kelolea koraracher add vetat ani kuddea devank bhoztat (Lok. 25). Dev aple porjekodde karar samballta ani aplea bhasavnneo rakhta, zalear To sple porjeck khas dita ani soddvonnechi vatt dakhoita. Koxttam vorvim porza Deva-xim porot ieta, hoi-i vixoi porian hea pustokant mellta. Monis Devak ovisvaxi zata, punn devachi ievzonn nopoit zaina. Devachi porza ozunui vatter asa, ozun ghora-solamoti pavunk nasli. Amchi iatra amchea vaddpant asa, tech porim ak'khi porza vattsur-gulam'ponnantli sutton, ti Bhasailolea Desann veita. Bezobabdarent jieun, porza solamoti pavona, Devak zai ti bhaxen vaddona, punn gulam'ponnantuch urta. Israel bhaxen soglli porza Deva-xim vochunk zai, he iatrent sompur zaunk zai

Polleiat[बदल]

Lokgonnti chem Pustok

Book_of_Numbers

Devachem Utor - Povitr Pustok

Books_of_the_Bible

Bible

ह्या विषयावयर देवनागारींत बरयिल्लें पान वाच : लोकगणती चें पुस्तक


Sandarbh[बदल]


[1]

[2]

  1. http://www.usccb.org/bible/books-of-the-bible/index.cfm
  2. http://www.archgoadaman.org/bible/14
"https://gom.wikipedia.org/w/index.php?title=Lokgonnti_chem_Pustok&oldid=169950" चे कडल्यान परतून मेळयलें