Rinttho
Romi
|
Rinttho: (Moratthi rittha, ringin, pittha; Hindi rittha gujrati: orittha; Kon'nodd: ontoula, kugttemor; Somskrit: orixtt fenil Inglish: soapnut tree of south India; lettin: sepiddos ttraifoliyuttos; kull: sepinddes). Ek modhyom' akarachem panzhoddi zhadda. Tachi unchai sumar 18 mi. Ani gher 1.5 mi. Asta.
Sepinddos he tache prozatint vott'tt 15 zati asun tatuntleo bhartant sat zati mellttat. Hem zhadd mullchem dokxinn bhartantolem asun tacho prosar doreadegvoilea ani dongrache demvteuylea sokoilea bhagant viroll ranant dixtti poddtta. Ostont Bongal, Bihar, modhy Bihar, Modhy Prodex ani Ut'tor Prodexantlea kheddeamni tachi lagoudd kortat.
Tachi sal korddi, chokchokit asun tacher khorborit ani gollun poddpi khoullam asatat. Panam sumykt, eka fattofatt, somdoli ani 12-30 sem'mi lamb astat. Dor ek dol bhaleavori, ayatakritichem lambxa tonkachem asta. Hea zhaddak neman lhan, dhovim vdiligi va eklingi fulam ekttobor te ddisembor mhoineant yetat. Haka bio axil'lim follam yetat. Tim tornnim astona kemsall, 1.3 -2.00 sem'mi. Veasachim ani bhitrolo gor salikodden ekrup zaun ti sal ghott ani surkutil'li dista. Bio 2-3, kalleo, ghott ani chonneayedeo astat.
Rittheachi lagoudd bio va rompe laun kortat. He porsant sobayekhatirui laitat. Rittheant seponin hem drouy axil'lean tacho upeg xabba sarko kortat. Rexmi, lokri ani her toreche tolom' kopdde dhuvpakhatir techpori bhangor moteam hire ani kems nitoll korpakhatir rittheacho upeg kortat. Tachem lakudd zodd ani ghott asun tem gaddeo ani her vostu korpakhatir vaprotat. Tachea bianchem tel vokhdi ani ful puxttik asun vikhbad unni korpi, sontombhod, onkaro haddpi asun tachi pudd topkiriuri oddlear domo, unmad, ordoxixi hachemr gunnkari tharta.[1]
Sondorbh[बदल]
- ↑ कोंकणी विश्वकोश, खंड ४