Shankaracharya
Romi
|
Xonkrachary: (i.So.Cho. 7-8 vo xenkddo)
ek mohan yoti, gronthkar, odvoit motacho prochar, stotrokar ani dhormosamrajeacho somsthapok.
Kerllantlea kaltti namvachea gavant xivguru ani vixixtta namvachea eka toponixtth nomputiri brahmonnager to zolmak ailo. He dampty xivbhkt toxench dhormoporainn axil'lem.
Tannem gamvatlea eka guru koddlean somskrit xikxonna vangddach hersoglleo videa atmosat keleo. Guru koddlean to aplea ghora ailo ani videartheank xikounk laglo.
Uprant auykoddlean porvamnogi gheun to dikxa gheupakhatir normodeche deger axil'lea govindoitichea axromant gelo. Tachi oloukik budhdimt'ta, parkhor voiragy polloun govindoitin xonkarachary xixy mhunn apnnailo ani soneasodikxa divn xonkrachary namv dourolem.
Gurukoddlean tannem odvoitopor ani somprodayik oxim brohmosutram ani upnixodam xikun ghetli.
Guruche agoneeuylean xonkrachary kaxik gelo ani vixvonathachem dorxon gheun tachea vangdda axil'lea xixeak mornnikrnnika ghattacher vedantacho patth dilo.
Tannem brohmosutram, gita ani upnixodam hancher bhaxeam borleant. Tebhair tannem aplea odvoit sidhdantacher prosthaponekhatir kitlexech gronth rochleat. Tachea namvar donxeaporos chodd gronthanchi nond asa. Punn itle gronth eka acharean nirmann kel'le nat. Achareauporant xankropitthacher odhixtthit zal'lea vidvanamni gronth rochna kel'li asun ti ady xonkarachareachea sidhdantak dhorunasa. He soglle achary svotak xonkrachary mhunn achareachea namvar zoma zalea.. Takalagun acharyoche gronth khoinche ani khoinche ani heranche khoiche he tharaup kotthinn zala.
Voidik dhormachea procharakhatir xonkaracharean xixy toyar kele. Surexvor, podyopad, hostamolok ani tottok he tache char mukhel xixy, vidvan, acharyoxil ani soneasi asle.
Prochlit gronthachea adaran pomrompora dista ti oxi- vixnnu- xiv brohma- vosixtth- xokti- poraxor- xuk- gouddpad- gomvid ani xonkor. He porompore promann achary ho gouddpadancho proxixy ani govindacho xixy also.
Bhartourxachi dharmik veustha chasu douropakhatir bhartachea charoi dikamni char motthanchi sthapna keli. Dvarka, puri, bodri ani xrugeri hanga nnotthsthapona korun aplea mukhel xixeank thoim motthpoti nemle. Nepallak vochun thoinchi voidik puzapd'dot bond poddil'li ti chalu keli ani poxupothinathacho jirnnodhar kelo.
Bhaxyolekhon, prochar, digvizoi, motthsthapona oso vaur acharean pirayechea 31 vrosant purai kelo. Bot'tisavea vorsa kedaronathak tannem sogllea motthpotink zo updex kela taka mohanuxason oxem mhonnttat.
Xonkrachareachi manvi jinn khubxea osamany gunnamni somridhd asli. Tachi matribhokti utkott asli. Xixeancher tacho khub mog also. Tachi mansix xokti opurv asli. Dharonn xokt tiur ani kalliz bhaukomol aslem.
Xonkrachary ho tontr-montroxastracho vidvan also. Tachi tripurosundorichi upasona hi tantrik asli. Tannem aplea motthant tripurosundorichi puzapd'dot suru keli. To atmogoneani asunoi, kormoproux also, goneanacho upasok asun, upasonecho somrthok also.
Bhogvan xonkrachary hi bhartant zaun gel'li ek vibhuti achary zaun gelear baraxem vorsacho kall gelo. Punn tachi kirt azun zagi asa. Voidik dhormachea itihasant achareache yogdan vhodd asun te vorvim' to novea yugacho prourtok tharlo.