Tin Raianchem Fest

Romi

Chermelam vazoun he tinuy gamv tin rayanchem fest 6 zanevari, hea disa purai somvsarobhor monoitat.Gõyant kamsaule, reix magux ani chandor hea gamvamni vhodda dobajean monoitat.

Adlea kallar sogllea monxancho visvas foljeotixeacher axil'lo.Nokhetrank polloun monxacho fuddar parkhitale.Jen'na ekhadrem nokhetr mollbant likhlikhopak lagta ten'na monis zolmak yeta oso bhavarth adlea kallar upzolotem sangop bhoukotthinn.Novem ani veglleach prokarachem nokhetr brohmanddant ailem zalear kitem tori khas ghoddlam oxem kollit zatalem.Melkiyor, balthazar ani gespor hea tin razank jen'na hem nekhetrodixtti poddlenten'na teankhetra fattlean te gele ani okherekojezu zolmol'lote suvaterote paule.

Kamsauleche soglle gamvkar mellun hefest monoitat.Zaito lok hea festak yetat.Kristamv lokambhair hindu dhormache lokuy hea festak ayil'le pollounk melltta,teabhair kaim bhomvddekaruy thoim dixtti poddtta.Tin rayanchefest,aur leddi ef maunttohe saibinnik bhettoil'lea kopelant zata.Vanz bailanitichea kopelantieono bhavarthan maglear tankam bhurgeanche dennem favo zata oso lokam'modi bhavarth asa.FESTA DOS REIS mhollear tin rayancheafesta adingamvoche gamvkar ektthamyieono yetlea festakokonn raza zatle te tharaitat.Kelim, kasamvli ani arosi hea tinuy gamvantleakhoinchyai eka choleabhurgeak raza zaupachi sond melltta.He tinuy gamv soddlear her khoincheach gamvchea bhurgeank raza zaupacho odhikar asna.

Eklo melkiyor raza zataani jezuk bhettoupak bhangor haddtta. Karonn hea namvachea razan jezu khatir bhangarochi denngi haddil'li.Bhangor khunnaita jezuchem raiponn.Jezu hea somvsarachoraza.Monxachem rup gheun to hea somvsarant ailo. Patkachea gulamoponnantlean aplem rajy portun melloupak vavurolo.To bollzoboren jikhunk na.To mogan jikhlo.Adlea kallar konnuy raza dus-ya raza fuddem votna kitem-i tori denngi gheun votalo.Tea kallauyoli chal axil'li razak bhangor dan korop.

Dusro balthazar raza zaun jezuk dhupachi denngi haddtta.Karonn hea namvachea razan jezuk dhup bhettoil'lo.Zo konn morpacho asa taka hem dan kortat.Kuddik pormollit vas suttcho dekhun hacho upeg adlea kallar kortale.Jezu hea somvsarant mornnantlean dor eka kristavank suttka zoddche khatir ailo to hea somvsarant monxankhatir to hea somvsarant monxankhatir ailo animonoxank lagun melo.Apunnsvota khursacher prann soddun tannem monis kullak patkantoli soddoili.

Tisro gespor raza zaun jezu khatir gondros haddtta.Karonn hea namvachea razan jezuk gondrosachi denngi haddil'li.Hi khunnamporomexvorak bhettoitat.Jezu kho-yanich devacho put axil'lo mhunn hea khunnam vorvim sid'dh zata.Hea gondrosacho vapor devachea mondirant devak pujpa khatir kortale.

Festa disa sokallchea panch vorancher chermelam vazoun sorbhomvotonnchea lokank zag haddun sokallea so voranchea misacho ugddas korun dita.Festa disa he tinuy bhurge ap – aplea gamvantlean razacho bhes gheun,, ghoddear bosun kopelakodden yeta. Tinuy razank tin vegllea benddacho bondobst kel'lo asta.Benddant fokt donuch vazoupi astat.Eklo dhol vazoun zalear dusro chermelam vazoun mukhar vhortat.Toxench razanchy mukhar dog zann bondera gheun astat. Sobond vattbhor te bonderadhave vottechean ujve votten haloitat.Tea gamvche kaim lokuy razachea fattlean cholun yeta

ayil'le vivdovanuy vegvegolle vattentlean aplea gamv ghora gel'le. Razank vot lagche nhoi mhunn komfrari eka lhanxa danddeak rongit sotri bandun razachea mukhar dhorta. He tinuy raza veg – vegllea vattentlean dongor choddun kopela mukhar yetat, hea vattenk panjh oxem mhonnttat.Tinuy raza ekttham-i zalea uprant te ghoddeavoile devun apnnem haddil'li denngi jezhuche murte mukhar dourota. Dha voranche festachem mis somplea uprant tinuy raza ekech vattentlean sokoil dongrauylean sokoil demvta,, dongra sokoil axil'le eke suvater he raza ani her lok zomtat.Thoim lokank aplea mathear mukutt ghalun gheupachi sond melltta. Uprant thoim pursamv zata.Pursamv zalea uprant he raza vegvegolle vattentlean aplea gamv ghora portota.Karonn devak denngi gheun ayil'le vivdovanuy vegvegolle vattentlean aplea gamv ghora gel'le.

Festa disa vhoddli feri bhorta. Kopdde, bhurgeacho khellnneo, kanknna, tambeacheo,lakddacheo vostu toxech vegvegolle mosaley thoim yetat.Fest zalea uprant soglle zann ghora portat, konn tearati dongrar rauna karonn xivaji ani tachi fouz chuddi gheun thoim yetat ani zo konn thoim rauta to tea foujent fosta oxe lok sangta, zalear konn tea rati rauta tacho fator zata oxem-i kann zannani sangil'lem aikupak melltta.

Polleiat[बदल]