Tisreamchem Fest

देवनागरी

Romi

Zaiti dhormik festa zata taka dhormik namva asnat zoxem kelleache fest,patolleache fest,zayachi zatra hi zatra fulacher adarun asa hem thoinchea vattaracher adarun asa.Ata amche kodden festak jeunn vantt'tat taka lagun amche kodden tis-yache fest asa.

Fest zaupi zago ani kopel sodpi lok

Nerul gamvche ximer kandoli hea gamvat zata.Thoim ek pornni igrje asa ji frasiskon padrini sodun kaddlea te 1569 vorsat.Oxem mantat ki hi igrje lokakodden poixem ektthai korun ani khajgi duddu gheun badla.Fador gomos katamv sagta ki 1955 meren nerul hea gamvat fokot char kopela axil'li.Hea fadrachea sangnneat rostea kuxiche kuris,khajgi monxachean badil'le kopel je bixpachea porvagi naxil'lean badil'le asle.Toslem ek kopel mhollear sam atoniche.Poilichea tepar lhan aslem ata lokamni tem aplea kazarachea vorsa nimtan he kopel vhodd badla.Nimanne he 1992 vorsa ek zoddpean aplea 25 vorsachea umedin badil'le.Hea kopelant sam atonichi murti asa ani sekredd harth ef jizos ani sekredd harth ef meri.Hea kopelachi ek pomrpora asa ki lokank tis-yo vattpachi chal azun cholot asa.

Fest ken'na monoitat

He fest me mhoineachea dus-ya aitarak zatat.Thoim kopelant lardin zata hatunt vatto gheupak gamvcho lok toxench her lok yeta. Lardinik tis-yo he ozap nhoi karonn lok tis-yachi xakhoti ani sambarache vatt'tat.[1]

tis-ya borobor kite vatt'tat

Hea festak sambarachea tis-ya borobor abo ani ponnos festachea mukheleak ditat.Gõychi feni hea festak ditat zaka zai tamnne pivche.Punn halichea tepar heo nimanneo vostu kaddun uddoileat.

Tis-yo kiteak

Nerul hea gamvant nhoinchi deg asa ani taka lagun tis-yo hanga khub mellttat ni sovai mellttat.Survatek tis-yachi matra chodd lagnaxil'li karonn zo lok lardinik yetalo to thoddoch astalo.Punn jen'na hi porompora ghott zali tatunt thoinche raupi lok,tanchi bhurgi,her lok vochpak lagle ani hacho porinnam' je lok kamak lagun gamv soddun gele te pasun hea festak yeupak lagle ani toxench tanchi kazar zali choli ani tanchi farmil yetali.

Dusri pomrpora

Dusri pomrpora mhollear tis-yo korpachi pod'dot.Tea gamvacheo bailo ek zaun kortat.Hi ek porompora ji gõychea somazantlean na zalea. Poilichea tepar radpi naxil'le.Jen'na kosle fest astale ten'na ek randpin astali.Ti ghorakodden yetali ani kujnatole kam' polloitali.Magir dadle ani chole hea kamak zulle.Soglle xezari kamak adar korpak yetale.Ti soglli aple saman gheun yetali zoxem suri,koiti adi. Hi pomrpora fokot hea festa nimtan uril'li pollouk melltta.Sambaracho mosalo korpache kam' vajeunnenche ani he korpak chodd dis lagtat.Ani he chodd mosaledar asta.Zor ho mosalo bore toren saballo zalear khub dis va mhoine urta.

Festachi lardin

Lardin poilichea kallar letin bhaxent mhonnttale.Ata ti lardin amche konknni bhaxent mhonnttat.Zo lok te lardinik hajir axil'le taka pananchea dhonneat ghalun tis-yo ditale.Hea gelea thoddea vorsa bhitor sambamracheo tis-yo korun silvor foilak ghalun lokank vantt'tat.

Nixkorx

Zori hea festatolo panachea dhonno gelo tori azun pasun lok tis-yache fest kortat.Kallzak khuxalokai bhogta ki thoinche lok jem thoim rautat ani je konn kamak lagun thoinche bhair sorleat tem aple pamrparik fest korpak fudde yetat.