Vilap hem Pustok

विकिपीडिया कडल्यान
Jump to navigation Jump to search

Vilap hem Pustok[बदल]

Book of Lamentations

"Jeremiah Lamenting the Destruction of Jerusalem" (Rembrandt)



Hebrev bhaxentlea Povitr Pustokant, Jeremias Provadiache vilap ‘Borpavoll’ (Hagiographa hea ghottant ghatlea. Ani hi mukhel porbam somoiar vachtolea panch ‘megillot’ vo kovllo hance modlo ek oxem dhortat. Greg bhaxentlea ani Vulgat Povitr Pustokant, Jeremias Provadiachea fattofatt hem pustok gheun taka ‘Jeremias Provadiache Vilap’ oso mhatallo dila. Hem pustok konnem boroilam tacho oromb 2lt/ 35/25 hantunt mellta ani tantuntleo kovita tea vixim tenka ditat. Hantunt vixoi nodrek ieta to mhollear Jeremias Provadiachea Kallavelo. Toripunn hem pustok Jeremiasan boroilam mhonn sangunk zaina. Kiteak Jeremiasacho sobhav vegllech torecho. Bhakit korpacho avaz bond kela (2/9) oxem Jeremias kednanch mhonnchona, toxench to Zedekiahk vakhann’cho na (4/20), nhoi mhonn Ejiptkar adar ditole mhonn visvas (4/17) dovorcho na.

Ovesvor 1, 2, ani 4 meloleam khatir vilap koxe boroileat. Ovesvor 3 ek khasgi vilap ani ovesvor 5 (Jeremiasachem magnnem) zaun asa ek somudaik vilap. Te chodd korun Jerusaleachem nisontton zalea uprant Palestinant 587 vorsa boroilole zaunk zai. toxem polleunk gelear hem pustok ekach mon’xan boroilam zo xarachem toxench lokanchem dukh bore torem vornnita. Punn hea kallokhantlean Devacher niz bhorvanso dovorpacho foler ani sogllea kallzan Deva-xim porot ieupachem disun ieta. Hakach lagun hem pustok khub molachem zaun asa. Dev-mondirachem nisontton kelolea disacho ugddas korun upas kortat tedna Judev lok gaion korun hem pustok vachtat.


Polleiat[बदल]

Vilap hem Pustok

https://en.wikipedia.org/wiki/Book_of_Lamentations

Devachem Utor - Povitr Pustok

Books_of_the_Bible

Bible

ह्या विषयावयर देवनागारींत बरयिल्लें पान वाच : विलाप हें पुस्तक


Sandarbh[बदल]


[1]

[2]

  1. http://www.usccb.org/bible/books-of-the-bible/index.cfm
  2. http://www.archgoadaman.org/bible/14
"https://gom.wikipedia.org/w/index.php?title=Vilap_hem_Pustok&oldid=170094" चे कडल्यान परतून मेळयलें