तिळगुळ
तिळगुळ तीळ आनी गोड घालून केल्लें एक खाजें. भारताच्या महाराष्ट्र, कर्नाटक आनी गोंय राज्यांत हिंदू लोक मकर संक्रांतिच्या सणाक एकामेकांक तिळगुळ वांटतात. तीळ आनी गोड हांचो आस्पाव आशिल्ल्यान शिंयाळ्यांत तिळगुळ भलायकेक बरे अशें मानतात.
तिळगुळ हें मूळचें कोंकणी उतर, जें "तीळ" आनी "गुळ" (गोड) ह्या दोन उतारांचो मेळ जावन तयार जालां. मकर संक्रांतिक सांजे आपल्या सोयऱ्यांक तिळगुळ वांटून तिळगुळ घेयात, गोड-गोड उलयात म्हणपाची चाल-रीत आसा.
कांय वाठारांनी (खास करून गोंयांत) साखरेच्या पिठ्यापसून तयार केल्ल्या मोतयां आकाराच्या खाज्याक तिळगुळ म्हणटात, जाल्यार तीळ आनी गोड घालून केल्ल्या खाज्याक तिळाचे लाडू म्हणटात.