Bholaikeche Saibinnik Noven
Romi
|
Bholaikeche Saibinnik Noven[बदल]
Novena to Our Lady of Vailankanni
Eh bhov Povitr Ankvari, bhov Povitr Tritven tuka survek thaun Jezuchi avoi zaunk vichun kaddli. Tuka Dev-Put monis zalo te ghoddiek ani uprant Taka nov mhoine tujea kusveant sambhall'lo ten'nam bhoglo to sontos hanv atam nialltam. Mhojeam magnneache khotkhotean hanv khorench hi khuxalkai ani ho sontos choddounk ani vaddounk sodhtam.
Eh dukhovleleanche Maie, tunvem he khuxalkaecho ugddas kaddtteleank ek kherit xekai bhasaileai tor tich xekai mhaka heam mhojeam gorzamnim kor. tujea Putan sanglam; "magat ani tumkam melltelem" tor hacher khoro visvas theven mhaka tuzo kan dhi mhonn hanv tuje kodden vinoitam. Devachi khuxi zalear hanv hea novenant magtam te upkar mhaka melloxe kor, nam tor mhaka goroz ti kurpa magun ghe.
(hanga tujeo gorzo ugtteo korcheo )
Eh Devache Maie, he mhoje noman tuka Gabriel boddvean kel'lea nomana sangatim manun ghe "Noman kurpen bhorlele". He mhoje noman tujea voibhovachea mokuttar dakttim dakttim motiam zaum mhonn hanv otrektam. Eh sosteleanche bhuzvonddare, Devacho Put monis zallo ten'nam tuka sontos bhoglo teach sontosan hanv magtam to upkar mhaka mellun ghe. Hea pasot hanv soglle mhojeo, tujea onoda khatir kel'leo boreo kornneo tuka bhettoitam. Hanv tuje kodden khotkhotean magtam hea khotkhotean tujem kalliz Jezuchea mogan lastalem, mhojim khaltim magnnim aikum ghe ani mhoje maglele upkar mhaka melloi.
Amen