Devachi Kakut

विकिपीडिया कडल्यान
हुपून वचात: दिशा-नियंत्रण, सोद
The original Painting of Divine Mercy by Eugeniusz Kazimirowski, painted in 1934 in Vilnius under the guidance of Saint Mary Faustina Kowalska.
Faustina's chapel at her resting place, the Basilica of Divine Mercy in Krakow, Łagiewniki.


Devache Kakutichem Rupkar - Divine Mercy Image[बदल]

Devache Kakutichem Rupkar[बदल]

1931 vea vorsa Fevrerache 22ver Polant ghavan Kakutsor Jezu St. Faustinak dixtti podtta. Ti he porim boroita;"Eke sanjer, hanv mojea kuddan astana, havem Jezuk eka dovenful angvostrant pollelo. Ek hat ubarlolo adhinvecheak besanv ani dusro ordear dovorlolo. Tachea angvostrantlean, don uzvaddachem kirnam bhair sortalim, Ek, tambddem ani dusrem dovsar. Hanv oginch nialltalim. Eke vatten mojer bhirant suttleli ani dusre vatten, vhodd koxealkai bhogleli. Thoddea vellar Jezun maka sanglem. "

"Tuvem pollelaim tea pormonnem chitar(paint) ani sokla him utram borai JEZU HANV TUJER PATIETAN, Maka zai tea rupkarak poilo tumchea kopelant man dilolo ani uprant soglea sonvsarant (Pustok47)

The first Divine Mercy painting by Kazimierowski (1934) at the Divine Mercy Sanctuary (Vilnius).

Hea Rupkarachi Somzoni[बदल]

St Faustinachea konfesoran tichem lagim maglem, Suan Jezu kodde vichar mhunn heam 2 kirnanchi somzonni. Tinnem Jezu lagim vinchartoch. Tannem heporim somzonni dili. "Kirnam hea rupkaracher dakoitat rogot ani udok jem Mhoje kakutintlea thavantlem vhanvlem, jedna Khursar Mhojem Khontiborit Kalliz vidarlem. Him dovsar kirnam dakhoitat udok jem duta amcho otmo ani tambddin kirnam-Rogot jem vortovta otmeanchem jivit. Him Kirnam samballtat munxeak Mhojea Bapachea ragantlo. Suki ho zo kirnanchea asrea khal jieta, kiteak thium kednanch Devache niticho hat pavchona." (Pustok 299)

Hanv munxeank ek aidon ditam, zache vorvim sogleamnin kakutiche zhorixim vocheunk zai kurpa gheunk. Tem aidon vortouta hem rupkar(Chitar) ani tacher hem boroup asum : JEZU HANV TUJER PATIENTAM (Pustok 327)

Hanv bhasaitam konn jea rupkarak man dita kednanch emkonddant vechonam. Tea bhiar, hea sanvsarant, odik korun mornnachea vellar dusmanancher oit vortole. Hanvunch taka samballtolom Mozo Onod zalelea porim (Pustok 48 )

The main sanctuary of Divine Mercy is Kraków-Łagiewniki.

Devache Kakuticho Ters[बदल]

Devache kakutichea tersacho oramb : 1935 vea vorsa Setembrache 13ver St. Faustinan ek Boddvo pollelo, Devachi nit korunk pattoilolo. Vis ani ghoddghodde tachea hatant aslele. Devachea ragacheo khunna mhunnun tika kollon ailem. Devan pattoilo mhunn sonvsarak, odik korun eka kherit ganvank khast launcheak. Tea bori ti khotkhotit magnnim korunk lagli. Tinnem Boddvea laghim kakut kor mhun prarthun maglem. Punn, tika dison ailem tichim magnnim Devacho raag palounk folladik nhoi mhunn. Tednam sogli trinidad tika dixtti poddli. Ti tea porzollan soglich guspoli. Tea borobar, tinnem him utram aikolim "Sasnnachea Bapa, hanv Tuca bheittoitam amchea ani soglea sounvsaracheam patkamchea farikponna bhov khatir, Tujea Bhou Mogalla Putrachi ani Amchea Dhonia ani Soddvonnara, Jezu Kristachi Kudd ani Rogot, ani Otmo ani Devponn. Tachea bhou dukhest koxtam khatir, amchi ani soglea Sonvsarachi Kakut kor." Heam utramnim tinnem sonvsarachea salvasanvam khatir Devak ulo marunk suru kelem. Ani ojeapanchem ojeap ! Hea magnneachi podvi itli ki Boddvea laghim annik khast launk goddona zalem." ( Pustok 474, 475)

Dusrea disa Kopelant bhitor sortana him utram tinnem aikolim :- "Jitle pavtti tum kopelant bhitor sortai, title pavtti mhunn havem kal magnnem xikoilam tem. "Tinnem hem magnnem mhunnlea uprant, novena za aikoli sangun - "Hem magnnem Devacho rag palounk chodd folladik. Tum tersachea kontar mhunn he porim. "

Kakuticho Ters ( Chaplet )[बदल]

Poili mhunn :

Ek Amchea Bapa, ek Noman Morie ani ek Sotmantam


Tea uprant motteam foddeancher ( Amchea Bapa Suater ) Mhunn :

Sasnnachea Bapa, hanv Tuka bhetoitam amchea ani soglea sonsaracheam patkanchea farikponna khatir, Tujea Bhou Mogalla Putrachi ani Amchea Dhonia ani Soddvonnara, Jezu, Kristachi Kudd ani Rogot ani Otmo ani Devpon. Tache bhou dukhest koxttam khatir, amchi ani soglea sonvsarachi kakut kor.


Daktteam foddeancher ( Noman Mories Suater ) 10 pautti mhonn :

Tachea Bhou dukhest koxttam khatir, amchi ani soglea sonvsarachi kakut kor.


(Tersache porim (5) khann uprant ) Nimannem Khanna upranti xettim, 3 pavtii mhunn :

Povitr Deva, Povitr Sorvpodvedara, Povitr Mornavinn, amchi ani soglea sonvsarachi kakut kor.

Chitr Prodorxonn[बदल]

Polleiat[बदल]

Divine_Mercy

Chaplet_of_Divine_Mercy

Divine_Mercy_image

Diary:_Divine_Mercy_in_My_Soul

"https://gom.wikipedia.org/w/index.php?title=Devachi_Kakut&oldid=163427" चे कडल्यान परतून मेळयलें