Dhormdutancho Itihas

विकिपीडिया कडल्यान
हुपून वचात: दिशा-नियंत्रण, सोद
ह्या विषयावयर देवनागारींत बरयिल्लें पान वाच : धर्मदुतांचो इतिहास
Ministry of the Apostles: Russian icon by Fyodor Zubov, 1660
Acts 1:1-2a from the 14th century Minuscule
Paul's conversion, from Livre d'Heures d'Étienne Chevalier (c. 1450–1460), Jean Fouquet, in the Château de Chantilly.
Saint Paul Writing His Epistles, ascribed to Valentin de Boulogne, 17th century

Acts of the Apostles

Hem pustok tisrea Xubhvortomana borabor Lukan boroilem. Don vorsam porian bondkhonnint astana, Paulun Roma xarant dhormporgottnni keli mhonn sangun, Luk hem pustok sompoita. Paulu Palestina thaun Romak gelo tedna, Luk tache borabor aslo; dekhunuch hea provasachi khobor kortana, apunn-ui tea provasant aslo mhonn dakhoun, to “ami” oxem mhonnun tea provasachi gozal sangta.

Sorgar choddche adim, Jezun dhormdutank updes dil’lo tachi khobor poili sangta, ani niktich suru zal’le Povitr-Sobhent, Kristi Xokachea 42vea vorsa porian ghoddlim tea mukhel ghodditanchi to gozal korta. Hea pustokant Pedruchea ani Pauluchea vavrachi odik khobor asa.

Povitr Atmo xisancher denvlea uprant, Pedru Jezuchi ani Tache vorvim Devan favo kel’le soddvonnechi porgottnni suru korta Palestinachea ani veg-vegllea desam thaun ail’lea Judevam fuddem, Mha-Dhormsobhe fuddem ani, Kornel Romi Xotpotichea ghorant, videxiam-I fuddem.

Dhormdutamnim sevok sthaple; uprant, hanchea-I vaurachi ani dhormporgottnnechi mhaiti hea pustokar mellta; chodd korun Istevachi ani Filipachi.

Pauluk Dhormdut zaunk Jezuchem apovneem ailea uprant, videxiam sorim dhormporgottnnecho vaur odik nettan cholta. Paulu ani Barnabas Antiokia xarant videxianchi ghoddloli poili povitr-sobha sthaptat ani teach xarant Jezuchea xisank “ Kristanv” vo “Kristachim” mhonn add-nanv podta. Hea uprant, chodd korun Paulu videxiank Jezuchi porgottnni korta ani tin lamb dhormporgottnnecheo bhonvddio korta tanchi khobor iskuttaun hea pustokant dilea. Paulun Roma xarant koxtt sosle tanchi thoddi-xi mhaiti diun Luk hem pustok sompoita.

Polleiat[बदल]

Sandarbh[बदल]


[1]

[2]

  1. http://www.usccb.org/bible/books-of-the-bible/index.cfm
  2. http://www.archgoadaman.org/bible/14
"https://gom.wikipedia.org/w/index.php?title=Dhormdutancho_Itihas&oldid=161671" चे कडल्यान परतून मेळयलें