Judit achem Pustok

विकिपीडिया कडल्यान
हुपून वचात: दिशा-नियंत्रण, सोद

Judit achem Pustok[बदल]

Book of Judith

Judith with the Head of Holophernes, by Cristofano Allori, 1613 (Royal Collection, London)
112.Judith and Holofernes
Judith Beheading Holofernes by Caravaggio
113.Judith Shows the Head of Holofernes


Hea pustokant Sorvesporachi venchun kaddloli porza, dusmanacher zoit melloita ti khobor sanglea. Hem zoit mellounk eke ostorecho hat asa. Hea lhan oxea Judev raxttracher, Holofernesachi podvedar Fouz hol’lo korta. Tancho haves mhollear ak’kho sonvsar Nebukadnezzarachea paiam-xim dovrunk ani sogllea dusrea dhormancho bhosm korun Nebukadnezzarak dev koso korop aslo. Bethuliak veddho ghalun Judevank bhitor dovortat. Udkachi purvonn bond kortat ani te apnnank dusmanache svadim korunk toiar zatat. Oxea velar Judit nanvanchi tornne piraiechi sobit-sundor rupachi, dev bhirantin jietoli ani huxar vidva ieta. Ti apleach lokancho atmvisvas jikhun gheta ani tea uprant Assirieche foujek-ui aple vatten haddta. Xarantlea vhoddlea-vhoddlea mon’xank Devacher bhavarth na mhonn ti tankam uzravun kaddta. Magir ti Magnnem korta ani vidveponnanchi angvostram maddun, sonni-sutachim angvostram bhesta ani Holofernesak mellunk veta. Taka ti samko bhuloita. Ani, ti soro pieun sust nhidlolea Holofernesachi tokli katorta. Hem polleun, Assiriekar bhieun dhanvunk lagtat ani Judev lok tombu thoinch sanddun vetat. Lok Juditachi vakhann’nni kortat ani Jerusaleak vochun Devak dhin’vastat.

Juditachem Pustok, itihas ani bugol zobor-xem monant dovrina-oxem dista. Hea pustokant amkam mellta ki Nebukadnezzar Nineveh-chea vhoddlea xarant Assirie voir razvott choloitalo mhonn. Punn khorem mhollear Nebukadnezzar raza Babilonie voir razvott choloitalo. Ani Nabopolassar tachea bapain Nineveh xaracho bhosm kelolo. Oxem astanam-I Sirus raza khal pordesant thaun portun ailoli khobor ghoddon ailea koxi dakhoilea Polle Jud. 4/3; 5/19. Tea bhair zorui Holofernes ani Bagoas – him Persiechim nanvam, torui Grik chaliritinchi khobor kel’li melta. Polle Jud 3/7-8; 15/13. Itlench nhoi, Holofernesache foujen dhorloli vat bugol-a pormannem koxich zaunk zaina. Hem sogllem amkam dakhoita ki Pustokacho boroinnar amka itihas vo bugol xikounk sodina. Pustokacho sondex zanno zaunk ani tantli xikovnn amkam kaddun gheunk, hem zaun asa amkam chodd gorjechem.

Polleiat[बदल]

Judit achem Pustok

Book_of_Judith

Devachem Utor - Povitr Pustok

Books_of_the_Bible

Bible

ह्या विषयावयर देवनागारींत बरयिल्लें पान वाच : जुदीत आचें पुस्तक


Sandarbh[बदल]


[1]

[2]

  1. http://www.usccb.org/bible/books-of-the-bible/index.cfm
  2. http://www.archgoadaman.org/bible/14
"https://gom.wikipedia.org/w/index.php?title=Judit_achem_Pustok&oldid=139879" चे कडल्यान परतून मेळयलें