Korintkarank Pauluchem Poilem Potr

विकिपीडिया कडल्यान
Jump to navigation Jump to search
ह्या विषयावयर देवनागारींत बरयिल्लें पान वाच : करिंत्कारांक पावलुचें पयलें पत्र
The foundation of Christ 1 Corinthians 3:11; posted at the Menno-Hof Amish & Mennonite Museum in Shipshewana, Indiana
"In a moment, in the twinkling of an eye, at the last trump: for the trumpet shall sound, and the dead shall be raised incorruptible, and we shall be changed." Illumination from Beatus de Facundus, 1047.
1 Cor. 1:1–2a from the 14th century Minuscule
1 Cor. 1:1–21 from the 8th century in Codex Amiatinus

Korintkarank Pauluchem Poilem Potr[बदल]

First Epistle to the Corinthians


Korintkarank Pauluchem Poilem Potr[बदल]

Gresia desant, Korint xarant Judevancho ek zomo aslo, ani hem xar moddon poddlolea eka Grik xaracher bandlolem. Dhormdutanchea kallar girestkaien ani veapar-dhondean tem borench voir aslem, punn noitik jivitant sarkem mhellem zal’lem.

Aple dusre dhormporgottneche bhonvddent, Paulun don vorsam Korintant xikovnn dili, poilem devsthanant Judevank, ani upant, Titus Justus hachea ghora, videxiank. Aten xarant, Kristanv dhorma vixim, unch totvamnim bhorloli tannem kel’li boli onupeogi zal’li dekhun, Korint xarant Paulun sadea ulovpachi vat dhorli. Devan adim bhasail’lem toxem (DI 8/9 ani her-kodden polle), tannem zaitea videxianchem mon bodol’lem, punn Judevanche dusman’kaiek lagun taka khub soschem poddlem.

Korintkarank boroil’lim Pauluchim don potram amkam pavleant, punn tanche bhair, Paulun Korintkarank anink ek potr boroil’lem-xem dista. Efezache povitr-sobheche kai vangddi Korintantle povitrsobhek bhett korunk ail’le, te bhettecho foll koso, Paulun Korintkarank hem potr boroilem.

Paulu nigtoch Antiokie thaun portun ieun, tisre bhonvdder aslo tedna Korintantle povitr-sobhent duspott zalear mhonn hea niropiam udexim taka kollun ailem. Novxisamnim aplea atmik gurunk thodde prosn ghal’le ani te-I tachea nirnnoiak vo zobabak ravtale. Duspott zal’li ti nittaier ghalunk ani tanchea vicharank zobab diunk Paulun hem xastrik potr boroilem.

Tannem suttave kele te prosn he : chuku vinnem Kristi jivit, logn ani ankvarponn, Somiachem Jevonn, Povitr Atmean dil’lea vorgunnancho favo to upeog, nitixallamnim khottle, kuddea-devank bhettoil’lem khan-jevonn.

Hea potrachea 16vea ovesvorantlea 5-8 vollim pormannem, Pon’nasavea Disachea Utsova adim, Efez xarant, chodd korun 57 vea vorsache survatek, tannem hem potr boroilem-xem dista.

Hea Potrachi manddavoll oxi :[बदल]

Prostavna : 1 : 1-9

Povitr-sobhent futti : 1 : 10-4:21

Lingi moriad ani ghorabeachem jivit : 5 : 1-7:40

Kristanv ani videxi : 8:1-11:1

Kristi jivit ani bhozonn : 11:2-14:40

Kristachem ani bhavarthianchem punorjivontponn : 15 : 1-58

Judeiant aslolea Kristanvam khatir dhormdananchi vorgonni : 16 : 1-4

Khasgi ievzonneo ani sompadnni : 16 : 5-24



Polleiat[बदल]

Korintkarank Pauluchem Poilem Potr

First_Epistle_to_the_Corinthians

Devachem Utor - Povitr Pustok

Books_of_the_Bible

Bible

Sandarbh[बदल]


[1]

[2]

  1. http://www.usccb.org/bible/books-of-the-bible/index.cfm
  2. http://www.archgoadaman.org/bible/14
"https://gom.wikipedia.org/w/index.php?title=Korintkarank_Pauluchem_Poilem_Potr&oldid=169939" चे कडल्यान परतून मेळयलें