Saibinn Gharant Bhitor Sortanam Magnnem

विकिपीडिया कडल्यान
 
Romi
     

Saibinn Gharant Bhitor Sortanam Magnnem[बदल]

Our Lady's Statue entering our house - Prayer

Marie, podvedar Ankvari ani kakutiche Maie,

sorgache Rannie ani patkeanchea asrea,

Tujea khotavinn kallzak ami amkanch somorpitanv.

Amchem sogllem soimbh, amcheam sogllem jivit tuje adhim ami kortanv.

Amcheo kuddi, amchim kallzam ani amche atme, Tuka ami ditanv amchim ghoram,

amche ghorabe ani amcho mai-des Tuka bhettoitanv.

Amche sovem ani amche bhonvtonnim sogllem jem asa titlem-i Tujea tabeant dovrunk,

ani Tujea avoiponnachea besanvacho ani tanchea follancho vantto gheunk ami otrektanv.

Ani hem amcheam konsagrasanv khoreaninch folladik zauncheak ani eksarkem togcheak,

azchea disa tujeam paiam sorxim, Marie, amchea Bavtizmacheo ani poilea komunhanvacheo

bhasavnneo novean kortan. Amchich bhas ami ghetanv, ani sogllea kallzan, bhavartachim

sotam uch'charunk ani niz katolikam koxim jieunk, Papa Saibak ani tachea ekvottan asleleam

Bispank sogllinch khaltim ravun, ami utor ditanv, Devache ani Igorz Mateche upodes

samballteleanv ani bhov korun Aitar-Sontak pallo diteleanv mhonn.

Amchea dispoitim povitr Komunhanv xevun. Khristi Xastrache bhuzvonneche

chali pormonnem ami cholteleanv. Ami Tuka bhas ditanv, Devache onodvont

Maie ani mon'xeanche mhovpaxi Maie, soglleam amcheam kallzamnim,

Tuje chakrek ami lagteleanv mhonn, tujea khotavinn kallzache razvottke udexim,

amcheam atmeamnim, ani hea amchea apurbaiechea desant ani soglle pritumer

jietat tancheam-i atmeamnim Tujea adorvont Putachi razvott zoxi sorgar

cholta toxi sonvsarant ieuncheak ani thirouncheak.

Amen.

Polleiat[बदल]

Saibinn Ghara Bhair Sortanam Magnnem

Familichi Bhett

"https://gom.wikipedia.org/w/index.php?title=Saibinn_Gharant_Bhitor_Sortanam_Magnnem&oldid=215037" चे कडल्यान परतून मेळयलें